दैनिक पंचांग - मंगळवार १५ ऑक्टोबर २०२४. अश्विन शुक्लपक्ष. भौम प्रदोष. तिथी-त्रयोदशी २४|२० रास-कुंभ नं. मीन. नक्षत्र-पूर्वाभाद्रपदा. योग-वृद्धि. करण-कौलव दिनविशेष-चांगला दिवस.

मेष - आज भौम प्रदोषचा दिवस आहे. आपल्या राशीला अशीही मंगळाची उपासना फलदायी आहे. अनेक लाभ वाट्यास येतील. विशेष गणेशाची उपासना करा.

वृषभ - दिवस चांगला आहे. काही ठराविक कामे लांबणीवर पडली असतील तर आज एकी हाती पूर्ण होतील. सकारात्मकतेच्या दिशेने पाऊल टाकाल. कामात वृद्धी होईल.

मिथुन - नवीन काही गोष्टी खरेदी करायचे असतील किंवा मोठ्या प्रवासाची आखणी करायचे असेल तर आज दिवस चांगला आहे. खूप काही न ठरवता सहज गोष्टी घडतील, त्यामुळे याबद्दल देवाचे आभार माना.

कर्क - आपल्याच जवळचे लोक आपल्या पाठीत खंजीर खूपसतील. नको त्या गोष्टींचा ससेमीरा तुमच्या मागे लागेल. म्हणून वाईट गोष्टींपासून सावध राहण्याचा आज इशारा आहे

सिंह - संततीच्या पराक्रमावर आज खुश होऊन जाल. काही आनंदी गोष्टी कानी पडतील ज्यामुळे आपल्याला कृतकृत झाल्याची भावना येईल. व्यवसायामध्ये वृद्धीचे योग आहेत.

कन्या - नोकर चाकर वर्गाला सांभाळून घेतल्यास आजचा दिवस चांगला आहे. कामाला गती राहील. थोडा मनस्ताप असेल पण चोरावर मोर होऊन राहावे लागेल.

तूळ - मोठी गुंतवणूक किंवा शेअर मधील गुंतवणूक आज फायदेशीर ठरेल. पैसा आपल्या दिशेने वाटचाल करीतच आहे. पूर्वजन्मीचे सुकृत आज फळाला येईल. दिवस चांगला आहे.

वृश्चिक - शेतीवाडीच्या गोष्टीस गती मिळेल. घरामध्ये किंवा शेतात विहीर करणे, बोअर यासाठी पुढाकार घ्याल. पुढे जा. याचे निर्णय आज पक्के होतील. सर्वांचे सहकार्य लाभेल.

धनु - लेखणीतून प्रगतीचे आज योग आहेत. आपल्या वक्तृत्वाचा इतरांवर प्रभाव राहील. यश पदरी पडेल इतरांच्या कडून आपली वाहवा होईल. त्यामुळे मन फुलून जाईल.

मकर - घशाशी निगडित आजारापासून आज थोडा सावधगिरीचा इशारा आहे. थंड पदार्थ खाणे टाळा. आपल्या राशीच्या सवयीप्रमाणे पैशाच्या हिशोबात आज दिवस जाईल.

कुंभ - आपली ऊर्जा आज वाढती राहील. अनेक दिवस आलेले मळभ गळून जाईल. घेतलेले निर्णया प्रमाणेच वागाल. स्वतःसाठी आनंद शोधाल.

मीन - परदेश गमनाचे/ मोठ्या प्रवासाचे योग आहेत. किंवा याचे नियोजन आज पक्के कराल. पैशाला गळती आहेच. पण विनाकारण खर्च होत नाही ना याचा विचार करून तसा समन्वय साधा.