आजचे पंचांग - शुक्रवार ११ ऑक्टोबर २०२४. अश्विन. शुक्लपक्ष, दुर्गाष्टमी महाष्टमी उपवास, नवमी उपवास. तिथी-अष्टमी १२|०७. रास-धनु ११|४१ नं. मकर. नक्षत्र-उत्तराषाढा. योग-सुकर्मा. करण-बवकरण. दिनविशेष-उत्तम दिवस

मेष - आपल्या राशीला भ्रमंतीची आवड आहे. आज मोठे प्रवास आपल्याकडून घडतील. मनासारख्या घटना घडण्याचा दिवस आहे. देवधर्मसाठी दूरच्या गावी जाण्याचे योग दिसत आहेत.

वृषभ - भ्रष्टाचार, लाचलुचपत या गोष्टींपासून सावध रहा. थोडक्या पैशाचा मोहासाठी वाईट गोष्टींमध्ये अडकण्याचे आज योग आहेत. सावधगिरीचा इशारा आहे.

मिथुन - जोडीदाराकडून आपण ज्या अपेक्षा केल्या आहेत त्या आज पूर्णत्वाकडे जाण्याचे योग आहेत. एकमेकांना सांभाळून घेऊन संसारातल्या अडचणीच्या गोष्टी आज पार पाडाल. कोर्टकचेरी मध्ये यश संभवते आहे.

कर्क - तब्येतीच्या तक्रारी डोके वर काढतील. त्यामुळेच कदाचित मनस्थिती बिघडण्याची आज शक्यता आहे. खाण्यावर नियंत्रण ठेवल्यास बरे राहील. गुप्त शत्रूंचा त्रास होईल.

सिंह - हृदयाचे आणि पाठीच्या मणक्याचे विचार विकार आहेत त्यांनी थोडी आज काळजी घ्यावी. जास्त धावपळ आणि दगदग टाळावी. शेअर्स मध्ये यश मिळेल.

कन्या - जागेचे व्यवहार मार्गे लागतील सर्वांच्या सहकार्याने पुढे जाल. बौद्धिक गोष्टीमध्ये आघाडी मिळेल. सर्व प्रकारचे सुख लाभेल.

तूळ - आजचा दिवस पराक्रमाचा आहे. काही गोष्टी सहज आपल्याकडून चांगल्या दर्जाच्या होऊन जातील. इतरांवर आपला चांगला प्रभाव राहील. दिवस संमिश्र राहील.

वृश्चिक - धनाची आवकजावक चांगली राहील. काही मोठे निर्णय आज आपल्याकडून घेतले जातील. जे पुढील भविष्यासाठी फायदेशीर ठरतील. जोडीदाराच्या तब्येतीची काळजी घ्या.

धनु - आज आपला आत्मविश्वास वाढीस लागणार आहे. शरीरामध्ये एक वेगळे चैतन्य असणार आहे. सकारात्मकता वाढून कामे सुरळीत होण्याचा आजचा दिवस आहे.

मकर - नियोजलेल्या कामामध्ये अडथळे येतील. कष्ट आणि मेहनत वाढीस लागतील. विनाकारण मनस्ताप वाट्यास येईल. काळजी घ्यावी.

कुंभ - बुद्धिवादी असणारी आपली रास आहे. काही गोष्टी ज्या फायद्याच्या समजून जुनी गुंतवणूक केली असेल त्याचा आज योग्य परतावा मिळताना दिसेल. दिवस उत्तम आहे.

मीन - करिअरच्या ठिकाणी आपली वाहवा होईल. वरिष्ठांचे सहकार्य तर कनिष्ठ व्यक्तींकडून आदर मिळेल. समाजकारण, राजकारणात यश आहे.