आजचे पंचांग - सोमवार ९ सप्टेंबर २०२४. भाद्रपद शुक्लपक्ष. तिथी-षष्ठी २१|५४ रास-तुला ११|२९ नं. वृश्चिक. नक्षत्र-विशाखा. योग-वैधृति. करण-कौलव. दिनविशेष-वैधृति वर्ज्य.

मेष - तब्येतीच्या तक्रारी आज जाणवू शकतात. बाहेरचे खाणे टाळावे. पोटाचे आजार डोके वर काढतील. पित्तकारक, तिखट पदार्थ टाळा. तसेच तिखट लोकही टाळा. विनाकारण जीवनामध्ये कलह वाढवून घेऊ नका.

वृषभ - कर्ज, कोर्टकचेरी या गोष्टी मधून आज काही चांगले उपाय निघतील. मनासारख्या घटना घडण्यासाठी दिवस चांगला आहे. वैवाहिक सुखाला दिवस सुसंधी घेऊन आलेला आहे.

मिथुन - कष्टाने पैसा आज मिळेल. आपल्या वस्तू जपाव्यात. नोकर लोकांपासून सावध राहण्याचा योग आहे. कुणालाही चढ्या आवाजात बोलू नका. विनाकारण त्रास वाढेल.

कर्क - शेअर्स आणि लॉटरी मध्ये पैशाचे योग आहेत. गुंतवणूक चांगली आणि फायदेशीर ठरेल. कला, मनोरंजनामध्ये सहभागी व्हाल. दिवस आनंदी राहील.

सिंह - घराविषयी काही गोष्टी असतील तर आज त्या सहज मार्गी लागतील. पशुधन हे धन जास्त महत्त्वाचे ठरेल. शेतीची कामे असतील तर त्याकडे जातीने लक्ष देण्याचा आजचा दिवस आहे.

कन्या - बोलण्यातली ताकद काय असते हे आपल्याला समजेल. आपल्या वक्तृत्वाने समोरच्या व्यक्ती गारद होतील. मुद्देसूद आणि हजरजबाबी पणे बोलल्यामुळे अनेक गोष्टी मार्गी लागतील. पत्रव्यवहार होतील.

तूळ - सोने अलंकार खरेदीचे योग आहेत. आपल्या घराण्याचा आज आपल्याला अभिमान वाटेल. पूर्वजांच्या जुन्या आठवणींना उजाळा मिळेल.

वृश्चिक - स्वतःच्याच प्रेमात पडण्याचा आज दिवस आहे. न बोलता कामे कराल. स्वमग्न राहाल. इतरांना मात्र तुमच्या या वागण्यामुळे आश्चर्य वाटेल शांततेचा संदेश द्याल.

धनु - खर्च वाढेल मानसिक ताणतणाव वाढ. परदेश गमनाच्या संधी येणार असतील तर त्याचे स्वागत करा. दिवस संमिश्र स्वरूपाचा आहे.

मकर - कनिष्ठांकडून आदर तर ज्येष्ठांकडून आपली कदर होईल. केलेल्या कामाची वाहवा मिळेल. नातेवाईकांच्या मध्ये मिळून मिसळून राहण्याचा आजचा दिवस आहे. अनेक लाभ पदरात पडतील.

कुंभ - कामासाठी प्रवासाचे योग आहेत. नवीन कामे येतील. त्यामध्ये रमून जाल. पैशाशी निगडित मोठे व्यवहार होण्याचा आजचा दिवस दिसतो आहे.

मीन - साधेपणाने जग जिंकता येते हे अगदी खणखणीतपणे आज सांगाल. देवधर्म, अध्यात्म यांत प्रगती होईल. तीर्थक्षेत्री भेटी होतील. दिवस भाग्याचा राहील.