आजचे पंचांग - सोमवार १६ सप्टेंबर २०२४ भाद्रपदशुक्लपक्ष. ईद ई मिलाद. तिथी-त्रयोदशी १५|११. रास-कुंभ. नक्षत्र-धनिष्ठा. योग-सुकर्मा. करण-तैतिल. दिनविशेष-उत्तम दिवस

मेष - महत्त्वाच्या गाठीभेटी होतील. बैठकी पार पडतील. नवीन परिचय होतील. त्यामुळे कामाच्या ठिकाणी यशाची गुढी उभी कराल. अध्यात्मिक प्रगतीच्या दृष्टीने दिवस चांगला आहे.

वृषभ - तुमच्या कार्यक्षेत्रात माणसांना मान मिळतील. प्रतिष्ठा लाभेल. काही गोष्ट अनेक दिवस रखडलेली असतील तर त्या आज सुकर होतील असे दिसते आहे.

मिथुन - तुमचे निर्णय आणि अंदाज आज अचूक ठरताना दिसत आहेत. आरोग्याच्या तक्रारी कमी होतील. योग्य ते औषधोपचार मिळतील. उपासनेच्या दृष्टीने दिवस चांगला राहील.

कर्क - कोणाच्याही सहकार्याची अपेक्षा नकोच. खर्चाचे प्रमाण वाढते राहील. नको असलेल्या गोष्टी कराव्या लागतील आणि त्यात अनेक अडचणी उदभवतील. काळजी घ्या.

सिंह - हाती घेतलेल्या कामांमध्ये प्रगती राहील. वैवाहिक जीवनामध्ये सुसंवाद साधाल. काही गोष्टी पटणार नाहीत पण नमते घेऊन आज त्या पूर्ण कराल असे दिसते आहे.

कन्या - मनाला थोडा आराम देण्यासाठी मनोरंजनाकडे कल राहील. शत्रू असतील तर आज त्यांना माफ कराल. गुप्तपणे अनेक गोष्टी कराव्यात अशीच भावना होईल.

तूळ - शैक्षणिक क्षेत्रामध्ये हवे तसे यश मिळेल. आर्थिक प्रगती आणि अध्यात्माकडे ओढा या दोन्ही गोष्टींचा सुरेखा संगम दिसून येतो आहे.

वृश्चिक - प्रॉपर्टी निगडित नवीन प्रस्ताव असतील तर त्याला आपल्याकडून होकार दिसतो आहे. वरिष्ठांचे सहकार्य लाभेल घरामध्ये मान मिळेल.

धनु - एखादी महत्त्वाची जबाबदारी अंगावर येऊन पडेल. पण त्यामधून मस्त आत्मविश्वासाने यश मिळवाल. जवळचे प्रवास घडतील..नातेवाईकांचे सहकार्य/ मोलाची मदत मिळेल.

मकर - अचानक धनलाभाची आज शक्यता आहे. जुनी येणी वसूल होतील. कुटुंबीयांचे सहकार्य चांगले राहील. पण एकूण कष्टाचा असा दिवस आहे.

कुंभ - आपण ठरवलेल्या गोष्टी आज सहज घडतील मानसिक स्वास्थ्य आणि समाधान लाभाणारा दिवस आहे. आपल्या मतांविषयी विशेष आग्रही रहाल. सकारात्मकतेचा प्रभाव राहील.

मीन - मोठे प्रवास घडतील. प्रवासाच्या बाबतीत अडचणी येण्याची आज शक्यता आहे.आपल्या साध्या, भोळ्या स्वभावामुळे कोणी आपल्याला फसवणार नाही ना याची काळजी घ्या. आपल्या वस्तू गहाळ होण्याची शक्यता आहे.