आजचे पंचांग

सोमवार,२३ डिसेंबर २०२४,मार्गशीर्ष कृष्णपक्ष.

तिथी- अष्टमी १७|०८

रास- कन्या

नक्षत्र-उत्तरा

योग- सौभाग्य

करण- कौलव

दिनविशेष- उत्तम दिवस

मेष - मनामध्ये विनाकारण नकारात्मक विचार येतील. याचा परिणाम आपल्या दिवसभरात कामावर चिडचिड या स्वरूपात असेल. जवळच्या लोकांना जवळ करा तर दिवस थोडा निभावून जाईल.

वृषभ - "सरड्याची झेप कुंपणापर्यंत" अशा गोष्टी आज घडतील. धनलाभाच्या दृष्टीने दिवस उत्तम आहे. संततीकडून सुवार्ता समजतील. क्रीडा क्षेत्रात, कला क्षेत्रात प्रगती साधाल.

मिथुन - आज विशेष लक्ष्मी विष्णू योग आपल्याला साधणार आहे. घरामध्ये चांगल्या गोष्टींची खरेदी होईल. एखाद्या धार्मिक कार्य होईल.घरी वातावरण प्रसन्न आणि आनंददायी राहील.

कर्क - छोट्या प्रवासामधून फायदा होईल. जवळचे व्यक्ती आपल्यावर हेव्याने पाहतील. पण हीच खरं तर तुमच्या प्रगतीची वाट आहे सर्व बंधने तोडून नव्या आकाशात पुढे घेण्याचा हा आजचा दिवस आहे.

सिंह - कुटुंबात आपला वरचष्मा राहील. आपल्या स्तुतिप्रिय स्वभावाप्रमाणे दिमाखात राहायला आज आवडेल. स्वतःवर खुश व्हाल. दिवस आनंदी आहे.

कन्या - हसून सगळ्यांचं मन जिंकल तारतम्याने नियोजन केलेल्या गोष्टी आणि त्याचे अंदाज दोन्ही अचूक ठरल्यामुळे यशाचा आलेख चढता राहील. दिवस आनंदी आहे.

तूळ - जोडीदाराच्या तब्येतीची आज काळजी घ्यावी लागेल. विनाकारण पैसा खर्च होईल. योग्य प्रकारे उपचार होतीलच अशी आज खात्री नाही. थोडा संयम धरावा असे दिवस सांगतो आहे.

वृश्चिक - जुनी गुंतवणूक फळाला येईल. भगवंताने दिले आहे त्यामध्ये अजून प्रयत्नांनी यश मिळवण्याचा प्रयत्न करा. तर यश खेचून आणाल. पराक्रम चढता राहील. लाभ पदरात पडतील.

धनु - आपल्या लहरीपणामुळे सहकारी संभ्रमित असतील. योग्य बैठक घेऊन आपल्या निर्णय त्यांच्यापुढे मांडल्यास कामे अनायसे पार पडतील. समाजकार्यात आपले स्थान वरच्या पदावर असेल.

मकर - खडतर अडचणी आल्या तरी दिवसाची इतिश्री सुखाची राहील. ज्येष्ठांचा आशीर्वादाने पुढे जाल. शिव उपासना आज फलदायी ठरेल.

कुंभ - प्रेमात अपयश संभवते आहे. घेतलेल्या कामांमध्ये अडथळे येतील. मात्र धनाच्या दृष्टीने पैसा सकारात्मक दिशा देत आहे. संधीचे सोने करा.

मीन - व्यवसायात आणि घरी दोन्हीकडे भागीदार आणि जोडीदार यांच्या वाढलेल्या अपेक्षा पूर्ण करताना तारेवरची कसरत होईल. पण योग्य रीतीने ते सर्व सांभाळाल. दिवस संमिश्र आहे.