विशाखा नक्षत्र -

या नक्षत्राच्या व्यक्ती प्रसन्न, आकर्षक, चांगल्या गुणांचे कौतुक करणाऱ्या, उदार, प्रेमळ, मुक्तहस्त, स्वतंत्र विचारसरणी, सुसंस्कृत, संभाषण चतुर, काही वेळेला लोभी आणि हावरटपणा डोकावतो, मत्सरी वृत्ती, अभिमानी, शिक्षणाच्या संबंधित व्यक्तीचे सतत संपर्कात येतात. वैचारिक वाचनाची आवड, पण कधीकधी भडक आणि चटपटीत वाचनही करतात.

नोकरी व्यवसाय -

या व्यक्ती शैक्षणिक क्षेत्रात जास्त वावरताना दिसतात. शिक्षक, प्रोफेसर किंवा शिक्षकेतर नोकरी, शैक्षणिक क्षेत्रात चमकतात. मंत्री, सचिव, परदेशामध्ये विद्यार्थी शैक्षणिक करण्यासाठी पाठवणे या खात्यात नोकरी, सल्लागार, काउंसिलिंग करणे, एजंट,ग्रंथकार, संपादक, टिकाकार, रंगीत कागदाचे संबंधित व्यवसाय, जाहिरात क्षेत्र, ज्योतिषशास्त्रावर विश्वास, उत्तरार्ध प्रगतशील आणि यशदायी जीवन होते.

रोग आजार -

या नक्षत्रात पोटाच्या खालचा भाग मुत्राशय आणि त्याच्या आसपासचा भाग, अतिशय संवेदनशील ग्रंथी येतात. या व्यक्तींना युरीन इन्फेक्शन, युरीन मार्गात अडथळे, स्त्रियांना गर्भाशयाचे आजार संभवतात. त्वचारोग, विषबाधा होणे, रक्तदाब, चक्कर येणे हे रोग संभवतात.