वैदिक ज्योतिष्य शास्त्रामध्ये प्रत्येक ग्रहाला एक ठराविक महत्त्व देण्यात आलं आहे. यावेळी नऊ ग्रहांपैकी गुरु म्हणजेच बृहस्पतीलाही विशेष महत्त्व देण्यात आलं आहे. जर एखाद्या ग्रहाने आपली राशी किंवा नक्षत्र बदललं तर त्याचा 12 राशींवर चांगला आणि वाईट दोन्ही परिणाम होतात. 2025 मध्ये गुरू ग्रह देखील राशी बदलणार आहे. सुमारे 13 महिन्यानंतर गुरु एका राशीतून दुसऱ्या राशीत प्रवेश करतो.

२०२५ मध्ये गुरु ग्रह कधी करणार राशी परिवर्तन?

वर्ष 2025 मध्ये 14 मे 2025 रोजी बृहस्पती राशी बदलणार आहे. या तारखेला गुरू रात्री 11:20 वाजता मिथुन राशीत प्रवेश करणार आहे. सध्या गुरु वृषभ राशीत आहे. गुरु ग्रहाच्या गोचरमुळे कोणत्या राशीच्या व्यक्तींना सकारात्मक परिणाम मिळणार आहे ते पाहूयात.

मेष रास

मेष राशीच्या लोकांसाठी गुरूचं गोचर लाभदायक ठरणार आहे. 2025 हे वर्ष तुमच्या आयुष्यात खूप खास असणार आहे. या कालावधीत तुम्हाला वेळोवेळी अनपेक्षित पैसे मिळू शकतात. या काळात प्रगतीमुळे समाजात तुमचा सन्मान वाढू शकणार आहे. प्रेमसंबंधांमध्ये यश मिळू शकते.

कुंभ

कुंभ राशीसाठी गुरूचं गोचर लाभदायक ठरणार आहे. जुन्या मित्रांची भेट होणार आहे. नोकरदारांचे पगार वाढतील. गुरूचं गोचर तुमच्यासाठी फलदायी ठरणार आहे. उत्पन्नाचे नवीन स्रोत निर्माण होऊ शकतात. जर तुम्ही गुंतवणुकीचा विचार करत असाल तर हा काळ तुमच्यासाठी योग्य असणार आहे.

मिथुन रास

2025 मध्ये गुरू गोचरमुळे मिथुन राशीच्या जीवनात अनेक बदल घडण्याची शक्यता आहेत. गुरूच्या राशीतील बदल तुमच्यासाठी फायदेशीर ठरणार आहेत. व्यावसायिकांसाठी हे वर्ष चांगलं राहणार आहे. आर्थिक लाभ मिळण्याची शक्यता आहे. इतरांशी तुमचे संबंध सुधारू शकतात.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)