ज्योतिषशास्त्रानुसार बुध ग्रह म्हणजेच बुद्धी आणि संवादाचा अधिपती, साधारणपणे ३० दिवसांनी एका राशीतून दुसऱ्या राशीत भ्रमण करतो. बुधाच्या या हालचालीमुळे व्यापार, शेअर बाजार, अर्थव्यवस्था आणि अनेक क्षेत्रांवर थेट परिणाम होतो. ग्रहांचा राजकुमार मानला जाणारा बुध ग्रह ऑक्टोबर महिन्यात तुला राशीत प्रवेश करणार आहे.

या बदलामुळे काही राशींना विशेष लाभ मिळणार आहे. याशिवाय व्यापारात धनलाभ, प्रगती त्याचप्रमाणे शेअर बाजार, सट्टा आणि लॉटरीतही फायदा होण्याची शक्यता आहे. पाहूया यावेळी कोणत्या राशींच्या व्यक्तींना लाभ मिळण्याची शक्यता आहे

कर्क रास

कर्क राशीच्या व्यक्तींना बुध ग्रहाचा हा प्रवेश अतिशय अनुकूल ठरू शकणार आहे. कारण बुध तुमच्या राशीत चौथ्या स्थानात भ्रमण करणार आहेत. त्यामुळे या काळात तुमच्या सुखसोयींमध्ये वाढ होईल. वाहन खरेदी किंवा प्रॉपर्टी घेण्याचा योगही निर्माण होऊ शकतो. तुमची बोलण्याची कला आणि बुद्धिमत्ता अधिक प्रभावी बनणार आहे.

कुंभ रास

कुंभ राशीच्या लोकांसाठी बुध ग्रहाचा हा गोचर भाग्यवर्धक ठरू शकणार आहे. बुध तुमच्या राशीत नवव्या म्हणजेच भाग्य भावात भ्रमण करणार आहेत. धार्मिक किंवा शुभ कार्यक्रमांमध्ये सहभागी होण्याची संधी मिळणार आहे. करिअरमध्ये दीर्घकाळ प्रतीक्षा केलेली संधी या काळात मिळण्याची शक्यता आहे. नवीन जबाबदाऱ्या किंवा पदोन्नतीचे मार्ग खुलू शकतात.

कन्या रास

कन्या राशीसाठी बुध ग्रहाचं संक्रमण अत्यंत शुभ ठरू शकणार आहे. बुध हा तुमच्या राशीचा स्वामी असून तो तुमच्या राशीतून दुसऱ्या म्हणजेच धन भावात संचरण करणार आहे. या काळात तुम्हाला अचानक आर्थिक लाभ होण्याची शक्यता आहे. तुमच्या वाणीमध्ये प्रभाव वाढेल, ज्यामुळे लोक तुमच्यावर छाप पडतील.

(Disclaimer - या ठिकाणी दिलेली माहिती शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)