कर्क या राशीचा स्वामी चंद्र. चर रास. जलतत्त्वाची रास. जिथे जलतत्त्व आहे तिथे भावना ओथंबून येतातच. खरंतर मोक्ष त्रिकोणापैकी एक रास. सुखाच्या संकल्पना आपल्या खूप साध्या सरळ असतात. सात्विक वृत्ती त्याच बरोबर खेकड्यासारखी प्रवृत्ती सुद्धा असते.

स्वतः खूप प्रगती करतीलच असं नाही, पण पुढे जाणाऱ्यांना खाली ओढण्यात माहीर असतात. येणाऱ्या पाहुण्यांचे आगत स्वागत छान करतात. यांची भावनांशी खूप जवळची कनेक्टिव्हिटी आहे. आईवर विशेष प्रेम. खरंतर कर्क आणि सिंह या राज राशी.

कर्क राशीला राणीचा दर्जा दिलेला आहे. मुळात ही रास खूप लाघवी डोळे मधाळ - पाणीदार, इमोशन्स भरपूर असतात. पण त्याच वेळी धैर्यशील सुद्धा हे लोक असतात.

माया प्रेम आणि आसक्ती या सर्व गोष्टी अधिक. स्त्री रास आहे. चंचलता, कोमलता, वेळेप्रमाणे बदल करण्याची प्रवृत्ती, परिस्थितीत चढ-उतार मिळू शकतात.

मंगळाची मात्र नीच रास. भावनेपुढे कर्तुत्वाला गौण महत्त्व दिले जाते. तलावाचे संबंधित रास असल्यामुळे पाण्यातून होणारे आजार या लोकांना होऊ शकतात. मद्यपान टाळावे. कर्क रास बिघडली असता कर्करोग होऊ शकतो.

हलके अन्न आणि आहार सात्विक आणि शुद्ध अन्न यांना आवडते. कायमस्वरूपी यांनी शिव उपासना करावी. जास्तीत जास्त जप करावा. दर सोमवारी शंकराच्या मंदिरात जाऊन दर्शन घ्यावे बेल व पांढरे फुल वहावे.