मोक्षदा एकादशी ही मार्गशीर्ष महिन्याच्या शुक्ल पक्षात साजरी केली जाते. यंदा १ डिसेंबर २०२५ ला ही एकादशी असणार आहे. हा दिवस भगवान विष्णूंना समर्पित केला जातो. मोक्षदा एकादशीला भगवान विष्णूंची पूजा केल्याने तुमच्या संपूर्ण ईच्छा पूर्ण केल्या होतात असे मानले जाते. पुढे या दिवसाचे महत्व, तिथी अन् मोक्षाबद्दलच्या काही गोष्टी जाणून घेणार आहोत.

मोक्षदा एकादशीला वैकुंठ एकादशी किंवा मौना एकादशी सुद्धा म्हंटले जाते. या दिवशी आयुष्यात आणि भूतकाळात केलेल्या पापांची मुक्ती तुम्हाला मिळते. म्हणूनच लोक या दिवशी दान धर्म, उपासना करतात. कारण या दिवशी वैकुंठाचे दरवाजे उघडतात आणि या जन्मानंतर समर्पित भक्तांचे स्वागत केले जाते.

मोक्षदा एकादशी फक्त धार्मिक दृष्टिकोनातूनच नाहीतर आंतरिक शुद्धीकरण आणि सामाजिक जबाबदारीचे प्रतिक म्हणून सुद्धा महत्वाचे आहे. या दिवशी उपवास आणि दान केल्याने मन आणि आत्मा दोन्ही शुद्ध होतात. असे म्हटले जाते की, या दिवशी केलेल्या पुण्यकर्मांचे अनेक परिणाम होतात. मोक्षदा एकादशीचे व्रत केल्याने आणि गरजू आणि संकटग्रस्तांना दान केल्याने भक्त जन्म आणि मृत्यूच्या चक्रातून मुक्त होतो. पुढे भगवान विष्णूच्या दिव्य निवासस्थानी वैकुंठात स्थान मिळते.

उपवास, दान आणि आध्यात्मिक साधनेचे महत्त्व

मोक्ष प्राप्तीसाठी आणि आत्मशुद्धीसाठी अत्यंत पवित्र मानली जाणारी मोक्षदा एकादशी आज देशभरात भक्तिभावात साजरी केली जात आहे. भगवान विष्णूच्या उपासनेसाठी हा दिवस विशेष शुभ मानला जातो. उपवास, मंत्रजप, दानधर्म आणि आत्मचिंतन यांची सांगड घालून अनेक भक्त हा दिवस श्रद्धेने पाळतात.

उपवास

अनेक भक्त पूर्ण किंवा अर्धा उपवास करतात. काहीजण फक्त सात्त्विक आहार घेतात, तर काहीजण निर्जळ उपवासाचे पालन करतात.

प्रार्थना आणि पूजा

भगवान विष्णूची पूजा तुळशीच्या पानांनी, फुलांनी आणि दीपदानाने केली जाते. विष्णु सहस्रनाम, श्रीमद्भगवद्गीता पठण आणि हरिनामस्मरण यांना विशेष महत्त्व.