आजचे पंचांग शनिवार दिनांक १७ ऑगस्ट २०२४

श्रावण शुक्लपक्ष, शनिप्रदोष. तिथी-द्वादशी ०८|०६ त्रयोदशी २९|५२ रास - धनु १७|२९ नं. मकर. नक्षत्र - पूर्वाषाढा. योग - प्रीतीयोग. करण-०८|०६ बाल (दिवाकरण) १९|०४ कौलव (रात्रौकरण) २९|५२ तैतिल (रात्रौकरण) दिनविशेष - क्षयतिथी

मेष : धावपळीचा आजचा दिवस

कष्ट आणि धावपळीचा आजचा दिवस आहे. कामाच्या बाबतीत प्रगती दिसून येईल. लोकांमध्ये मिळून मिसळून राहायला आवडेल. समाजकारणामध्ये यश दिसते आहे.

वृषभ : सर्व गोष्टी मनासारख्या घडतील

मोठे प्रवास होतील. सर्व गोष्टी मनासारख्या घडताना आज दिसतील. कलाक्षेत्रामध्ये प्रगती मिळेल. विशेषतः स्त्रियांना आजचा दिवस भाग्याचा राहील.

मिथुन : अडचणी आपल्या मार्गात येणार

विनाकारण अडथळे आणि अडचणी आज आपल्या मार्गात येणार आहेत. सहज बाजूला झाल्या तर ठीक नाहीतर साम-दाम-दंड-भेद वापरा. पण स्वतःला सुरक्षित ठेवा.

कर्क : प्रेम वृद्धिंगत होईल

"मी तुझ्यासाठी, तू माझ्यासाठी" असा दिवस आज आहे. जोडीदारासाठी राखीव वेळ ठेवा. प्रेम वृद्धिंगत होईल. याच गोष्टी आनंदाच्या पुढील काही दिवसांसाठी आशादायी ठरतील. प्रवास घडतील.

सिंह : नोकरांपासून सावधान राहा

नोकर नोकरांपासून सावधान. आपल्या वस्तूंची काळजी घ्या. कोणत्याही कारणाने वाईट गोष्टींमध्ये अडकू नका. आजोळी प्रेम राहील.

कन्या : शिव उपासना करावी

शेअर्समध्ये गुंतवणूक केलेली आज फायदेशीर ठरेल. कोणतेही काम करताना बुद्धीचा कौल ऐकूनच त्याचे निर्णय घ्या. ते योग्य ठरतील. उपासनेमध्ये उत्तम फल मिळेल. शिव उपासना करावी.

तूळ : खरेदीसाठी दिवस अनुकूल

सर्वांशी सौहार्दाने वागाल. प्रेमासाठी भुकेलेपण असेल. इतरांना अनेक गोष्टी देण्यात सुख आहे हे आज जाणवेल. घर, गाडी खरेदी यासाठी दिवस अनुकूल आहे.

वृश्चिक : समाधान गाठीशी मिळेल

कामाचा रगाडा उपसावा लागेल. पण दिवसाच्या शेवटी समाधान गाठीशी मिळेल. छोटे प्रवास घडतील. त्यातून फायदाही होईल. दिवस चांगला राहील.

धनु : योग्य परतावा मिळेल

पैशाची गुंतवणूक फायदेशीर ठरेल. जुन्या गोष्टींमधून योग्य परतावा मिळेल. सकारात्मकता बाळगावी लागेल. खाण्यापिण्याची लयलूट असेल.

मकर : कामांमध्ये यश मिळेल

कासवाच्या गतीने का होईना प्रगतीचा दिवस आहे. सकारात्मकता वाढेल घेतलेल्या कामांमध्ये यश मिळेल. मन आनंदी राहील.

कुंभ : मनस्तापाचा दिवस आहे

मनस्तापाचा दिवस आहे. मनस्ताप टाळण्यासाठी विशेष उपासना करा. "आपल्याच लोकांकडून पाठीत खंजीर खूपसल्याची आज भावना होईल". सहज दिवस घालवण्याचा प्रयत्न करा.

मीन : दिवस सुखाचा असेल

प्रेरणादायी दिवस राहील. आपल्या कामाच्या ठिकाणी नवीन वाटा मिळतील. जुन्या ओळखीतून, परिचयातून नवीन कामे मिळतील. दिवस सुखाचा असेल.