आजचे पंचांग

सोमवार, १८ नोव्हेंबर २०२४,कार्तिक कृष्णपक्ष,

संकष्टी चतुर्थी.

तिथी-तृतीया १८|५७

रास- मिथुन

नक्षत्र- मृग

योग-सिद्ध योग

करण-वणिज

दिनविशेष- ८ प.चांगला

मेष - प्रियकराबरोबर विनाकारण द्वंद्व वाढेल अशा गोष्टी टाळा. नको असलेल्या गोष्टींचा त्रास होईल. मानसिकता शांत ठेवली तर लाभ पदरात पडेल. गणेश उपासना करा.

वृषभ - परदेशाचे योग नक्की होतील. आपल्याच लोकांकडून घात झाल्याचे भावना होईल. मनस्ताप वाढेल. खर्चाला स्वतःच आळा घालावा लागेल.

मिथुन- बोलून जग जिंकाल आपल्या बुद्धिमत्तेची चुणूक स्वतःला आणि इतरांनाही कळेल. आनंदी दिवस आहे. इच्छा पूर्ण होतील.

कर्क - घरामध्ये पाहुण्यांची उठबस होईल. अगत्यात दिवस धावपळीचा राहील. कदाचित आज तुम्ही स्वतःपेक्षा इतरांना प्राधान्य द्याल आणि आनंदाची झोळी भरून जाईल.

सिंह - छोटे प्रवास घडतील लहान गोष्टींनी मन सुखावून जाईल स्तुतिप्रियतेकडे कल राहील. भावंडांची जबाबदारी उचलाल.

कन्या - नवीन वस्तूंची खरेदी होईल. शेतीची कामे मागील मार्गी लागतील. ज्येष्ठांचा सल्ला आज उपयोगी पडेल. दिवस संमिश्र असेल.

तूळ- प्रेमामध्ये भरघोस यश मिळेल. संततीकडून चांगल्या वार्ता कानी येतील. क्रीडा क्षेत्रात आपली प्रगती होईल. कलाक्षेत्र सुद्धा तेवढेच गाजवाल. संकष्टीनिमित्त विशेष गणेश उपासना करावी.

वृश्चिक - शत्रू डोके वर काढतील. नको ते आजार मागे लागतील. पाणी आणि खाणे दोन्ही जपून वापरा अन्यथा तब्येत बिघडेल. दिवस बरा आहे.

धनु - व्यवसायामध्ये नवीन संधी येतील आपल्या भागीदाराचा सल्ला आज ऐकावा लागेल. प्रवास घडतील. देण्याघेण्याचे व्यवहाराबाबत सावधगिरी बाळगावी.

मकर - घोडे मेले ओझाने असा आजचा दिवस आहे. त्रास कटकटी संपणार नाहीत. विनाकारण दगदग वाढवून घेऊ नका. अकल्पित पैसा मिळत नाही. इच्छा केल्यास यामध्ये अडकाल.

कुंभ - बुद्धी आणि मन याचे द्वंद्व आहे. पण भाग्य खंबीर साथ देईल. शिव उपासना, गणेश उपासना आज फलदायी ठरणार आहे. मोठे प्रवास घडतील.

मीन - मानसन्मान आणि प्रतिष्ठा मिळण्याचा आजचा दिवस आहे. कामांची धावपळ वाढेल पण त्यातून नवीन वाटा यश प्राप्ती सहज मिळून जाईल.