आजचे पंचांग

मंगळवार, १९ नोव्हेंबर २०२४,कार्तिक कृष्णपक्ष.

तिथी-चतुर्थी १७|२९

रास-मिथुन

नक्षत्र-आर्द्रा

योग-साध्य

करण-बालव

दिनविशेष-चांगला दिवस

मेष - परदेशी भाषेमध्ये प्रगती होईल. विविध प्रदर्शनामध्ये यश मिळेल. पैशाच्या दृष्टीने मोठ्या उलाढाली घडतील. अनेक लाभ पदरात पडतील.

वृषभ - नको त्या गोष्टींचा ससेमीरा मागे लागेल. अनाठही खर्च वाढेल. प्रेमात अपयश संभवते आहे. स्वतःबरोबर इतरांची मानसिकता जपा.

मिथुन- मैत्रीपूर्ण संबंध इतरांशी तुमचे आज वृद्धिंगत होतील. मनाला एक वेगळी धिटाई प्राप्त होईल. नवीन आव्हाने पेलण्यासाठी आज सरसावून पुढे जाल. आत्मविश्वास वाढेल.

कर्क - तब्येतीवर पैसा खर्च होईल. नाहक पैसा खर्च झाल्यामुळे मनस्ताप वाढेल. कलाक्षेत्रात या लोकांसाठी आजचा दिवस त्रासाचा ठरेल.

सिंह - मित्रांच्या मदतीने आणि ओळखीने कामे होतील. अनेक दिवस रखडलेल्या गोष्टी आज सुरळीत होताना दिसतील. सून जावयांच्या कौतुकामध्ये आज दंग रहाल. जिभेवर साखर ठेवावी आणि डोक्यावर बर्फ.

कन्या - वरिष्ठांच्या मदतीने आज पुढे जाण्याचे योग आहेत. धावपळ आणि दमणूक वाढेल. प्रवासाचा दिवस आहे. दलाली काम, एजंट, किरकोळ व्यापारी यांच्यासाठी आजचा दिवस चांगला असेल.

तूळ -भाग्यकारक घटना अनुभवता येतील. सद्गुरूंची ओढ वाटेल. ध्यानधारणा आणि उपासना याकडे आज विशेष लक्ष द्यावे. नातवंडांकडून सुख लाभेल. लक्ष्मी उपासना करावी.

वृश्चिक - भ्रष्टाचार, लाचलुचपत, काळा पैसा यापासून स्वतःला आज जपा. विनाकारण खोट्या गोष्टीमध्ये अडकण्याचा संभव आहे. शारीरिक कष्ट वाढतील.

धनु - प्रेमाचे रूपांतर विवाहात होण्याच्या दृष्टीने घटना घडतील. महत्त्वाच्या बैठका आज पार पडतील. जोडीदाराविषयी प्रेमच वृद्धिंगत होईल. दिवस आनंदी आहे

मकर- गुप्त शत्रू त्रास देतील. आज चोरावर मोर होऊन राहावे लागेल. मामाचे विशेष प्रेम मिळेल. नोकरीच्या ठिकाणी दगदग वाढेल.

कुंभ - शिव उपासना लाभदायी ठरणार आहे. कला, क्रीडा क्षेत्रामध्ये प्रगती होईल.शेअर्स मधील गुंतवणूक आज फायदेशीर ठरेल. प्रेमात यश आहे.

मीन - आईच्या तब्येतीची विशेष काळजी घ्यावी लागेल. अनेक जबाबदाऱ्या अंगावर येतील. पण कुटुंबीयांच्या सहकार्याने त्या व्यवस्थित पार पाडाल. घरी आनंदी वातावरण असेल. धार्मिक कार्य घरी होतील.