आजचे पंचांग

शुक्रवार,२६ सप्टेंबर २०२५,अश्विन शुक्लपक्ष,ललिता पंचमी.

तिथी-चतुर्थी ०९|३४

रास-तुला १५|२४ नं. वृश्चिक

नक्षत्र-विशाखा

योग-विष्कंभ

करण-विष्टीकरण

दिनविशेष- विशाखा वर्ज्य

मेष - रागावर नियंत्रण ठेवणे आज गरजेचे आहे. व्यवसायामध्ये मात्र धडपडीने आणि धाडसाने पुढे जाल. आयुष्यात काही गोष्टी अधिक - उणे असतात. त्या समजून घेऊन संसार करणे आज गरजेचे आहे.

वृषभ - जोडीदाराच्या मानसिकतेची आज काळजी घ्यावी लागेल. नकारात्मक गोष्टींनी भरलेला आजचा दिवस आहे. तब्येतीसाठी पथ्य - पाणी आज पाळणे गरजेचे आहे.दिवस बरा आहे.

मिथुन- उपासनेतून फायदा होईल. गोड बातम्या कानी येतील. संततीकडून समाधानकारक गोष्टी घडतील. विद्यार्थ्यांना दिवस सुखाचा आहे.

कर्क - विशेष अडचणी आजच्या दिवशी नसतील. मनी ठरविल्या गोष्टी घडतील. वाहन सौख्य उत्तम आहे. दिवस आनंदी आहे.

सिंह - प्रेमामध्ये अनेक लाभ होतील. व्यवसायामध्ये वृद्धी होईल. जवळचे प्रवास घडतील. महत्त्वाचे पत्र व्यवहार मार्गी लागतील. दिवस चांगला आहे.

कन्या - आर्थिक क्षेत्रामध्ये धाडस करायला हरकत नाही. कौटुंबिक जीवनामध्ये योग्य तो सुसंवाद साधाल. अडचणींच्या गोष्टीतून मार्ग काढण्यासाठी दिवस चांगला आहे.

तूळ - मी आणि माझे असे काहीसा आजचा दिवस आहे. दुसऱ्याच्या सल्ल्याने जाण्यापेक्षा मनाचा कौल घेऊन पुढे जाल. आरोग्य उत्तम राहील.

वृश्चिक - तब्येतीच्या तक्रारी राहतील. किडनी निगडीत त्रास/ अडचणी होण्याचा आज संभव आहे. मानसिकता सांभाळावी. खरे खोटे करण्याचा नादात किंवा इतरांच्या भानगडीत पडण्यापासून आज लांब राहावे.

धनु - सुन आणि जावई यांच्यावर विशेष प्रीती जडेल. त्यांच्याकडून विशेष आदर मिळाल्यामुळे दिवस सुखाचा जाईल. जवळच्या नातेवाईकांच्या बरोबर प्रवास घडतील.

मकर - सचोटीने काम करणारी आपली रास आहे. सामाजिक क्षेत्रात आघाडीवर रहाल. आर्थिक व्यवहार पूर्णत्वाला जातील. दिवस चांगला आहे.

कुंभ - अनपेक्षित काही घटना आणि सुवार्ता कानी येतील. प्रेमामध्ये यश मिळेल. विवाह उत्सुकांचे विवाह ठरतील. शुभ कारक घटनांचा कालावधी आहे. काळजी नसावी.

मीन - भ्रष्टाचार सारख्या गोष्टी मध्ये अडकण्याचा आज जास्त संभव आहे. अति लोभ हा गोत्यात नेणार आहे हे लक्षात ठेवा. अचानक धनलाभ होईल. दिवस संमिश्र आहे.