सप्टेंबर २०२५ हा महिना ज्योतिषशास्त्राच्या दृष्टीने खूप महत्त्वाचा ठरणार आहे. या महिन्यात सूर्य, मंगळ, बुध आणि शुक्र हे चार मोठे ग्रह आपली गती आणि स्थिती बदलणार आहेत. १३ सप्टेंबरला मंगळ तूळ राशीत प्रवेश करणार असून नक्षत्र परिवर्तनही होणार आहे. त्यानंतर १७ सप्टेंबरला सूर्याचे गोचर होईल आणि ते पूर्वाफाल्गुनी, उत्तराफाल्गुनी आणि हस्त नक्षत्रातून प्रवास करतील.

सूर्य आणि बुधाच्या गोचरामुळे शुभ बुधादित्य योग तयार होणार आहे. शुक्रही या काळात दोनदा राशी बदलतील आणि दोनदा नक्षत्र परिवर्तन करतील. या ग्रहस्थितीचा परिणाम सर्व १२ राशींवर होणार असला तरी तीन राशींना याचा जास्तीत जास्त लाभ मिळेल.

या राशींच्या लोकांना करिअर, आर्थिक स्थिती आणि वैयक्तिक आयुष्यात चांगल्या गोष्टी घडणार आहेत. ज्योतिष्य तज्ज्ञांच्या मते, हा काळ त्यांच्यासाठी प्रगती, भाग्यवृद्धी आणि नातेसंबंधांमध्ये सौहार्द आणणारा ठरणार आहे. सप्टेंबर महिना या भाग्यवान राशींसाठी अत्यंत शुभकाळ ठरू शकतो. यामध्ये कोणत्या राशींचा समावेश आहे ते पाहूयात.

मेष रास

सप्टेंबर महिन्यातील ग्रहस्थितीचा सर्वाधिक फायदा मेष राशीच्या लोकांना होणार आहे. आतापर्यंत अडकून पडलेले अनेक कामं या काळात पूर्ण होणार आहे. त्यामुळे आर्थिक लाभ होण्याची शक्यता आहे. कौटुंबिक पाठबळ मिळाल्यामुळे मानसिक तणाव कमी होणार आहे.

मिथुन रास

या महिन्यात मिथुन राशीच्या लोकांच्या जीवनात मोठा बदल घडू शकणार आहे. धनप्राप्ती होणार असून त्यातून भौतिक सुखसोयींमध्ये वाढ होण्याची शक्यता दाट आहे. समाजात मान-सन्मान वाढू शकणार आहे. या काळात घर, दुकान किंवा वाहन खरेदी करण्याची संधी मिळू शकते.

कर्क रास

सप्टेंबरच्या ग्रहस्थितीत कर्क राशीच्या लोकांना चमत्कारिक परिणाम दिसून येणार आहे. या काळात अडकलेला पैसा परत मिळू शकणार आहे. करिअरमध्ये नवे मार्ग खुले होणार आहे. त्याचप्रमाणे वैयक्तिक आयुष्यात आनंदाचे क्षण येणार आहेत.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)