आजचे पंचांग - शुक्रवार ३० ऑगस्ट २०२४ श्रावण कृष्णपक्ष. तिथी - द्वादशी २६|२६. रास-मिथुन. ११|३४ नं. कर्क. नक्षत्र-पुनर्वसु. योग-व्यतीपात. करण-कौलव दिनविशेष-१८ नं. चांगला.

मेष - छोटे प्रवास घडण्याचा आज योग आहे. भावंडांचे सहकार्य लाभेल. मनासारख्या गोष्टी घडतील. दिवस सुखाचा राहील.

वृषभ - जोडीदाराच्या तब्येतीची आज काळजी घ्यावी. कदाचित त्यासाठी पैसा खर्च करावा लागेल. पैशाचे व्यवधान ठेवावे. गुंतवणूक करणार असाल तर सजगपणे करा.

मिथुन - कासवाच्या गतीने का होईना प्रगतीकडे आपली वाटचाल आहे. त्यामुळे मनाला उभारी आहे चांगल्या गोष्टी करण्यासाठी हिरीरीने सहभाग घ्याल. आपले वलय आज वाढणार आहे.

कर्क - प्रेमामध्ये अपयश येण्याचा आजचा दिवस आहे. ठरवून केलेल्या गोष्टीत अगदीच अडथळे येतील. त्यापेक्षा जे होईल ते पाहणे आज हेच हाती आहे. मनस्ताप टाळा.

सिंह - जुन्या मित्रांच्या भेटी होतील. इतरांसाठी काहीतरी करावे अशी भावना होईल. मित्रांमध्ये येणाऱ्या अडचणींचा सामना करण्यासाठी तुम्ही पुढाकार घ्याल. अगदी तेल लावलेला मल्ल असतात अशी आपली प्रतिमा होईल.

कन्या - कामासाठी प्रवास घडण्याचा दिवस आहे. एकूण व्यस्तता राहणार आहे सहकाऱ्यांची साथ योग्य आणि उत्तम राहील.

तूळ - द्रुतगती मार्गावर प्रवास घडतील. जीवनाचा वेग वाढेल. तेच आज आवडून जाईल. लांबच्या प्रवासाचा योग आहे. तीर्थक्षेत्री दर्शन घडेल.

वृश्चिक - संततीच्या तब्येतीची काळजी घ्यावी. कदाचित त्यासाठी पैसा खर्च करावा लागेल. मनस्थिती तोळा मासा राहील. त्याला उभारी आणा.

धनु - व्यवसायातील भागीदाराकडून फायद्याचे योग आहेत. दोघं मिळून एकत्रित रित्या धंदा वाढीसाठी प्रयत्न कराल.आर्थिक दृष्ट्या सक्षम व्हाल .

मकर - मामा किंवा अजोळचे लोक भेटण्याचा आज योग आहे. त्यामध्ये सुखद जाणीव होईल. आपल्या वस्तूंची विशेषतः काळजी घ्यावी.

कुंभ - प्रयत्नांना आज पर्याय राहणार नाही जितके कराल तेवढे यश पदरात नक्कीच पडणार आहे. रेस, लॉटरी यामध्ये फायदा होईल. कलेमध्ये दिवस व्यस्त राहील.

मीन - छोटा घरगुती समारंभ तुमच्या घरी पार पडेल. नातेवाईकांबरोबर दिवस आनंदाचा जाईल. आईची विशेष काळजी घ्यावी.