वैदिक ज्योतिष्य शास्त्रानुसार, ग्रहांचा राजा सूर्य दर महिन्याला त्याच्या राशीमध्ये गोचर करतो. मार्च महिन्यात देखील सूर्य गोचर करणार आहे. सूर्य देव १४ मार्च रोजी मीन राशीत प्रवेश करणार असून शनिदेव २९ मार्च रोजी मीन राशीत प्रवेश करणार आहे. त्यामुळे शनी आणि सूर्य यांची युती होणार आहे.

शास्त्रानुसार, मीन राशीत शनी आणि सूर्याची युती ३० वर्षांनी होणार आहे. अशा परिस्थितीत, या दोन ग्रहांच्या युतीमुळे काही राशींचे नशीब उजळू शकणार आहे. या राशींना अचानक आर्थिक लाभ होण्याची शक्यता आहे. त्याचप्रमाणे काही राशींची सर्व स्वप्न पूर्ण होणार आहेत. यावेळी कोणत्या राशींना याचा लाभ होऊ शकतं ते पाहूयात.

कुंभ रास

सूर्य आणि शनिदेव यांचे संयोजन तुमच्यासाठी सकारात्मक ठरू शकणार आहे. या काळात तुम्हाला वेळोवेळी अनपेक्षित पैसे मिळू शकतात. नोकरी करणाऱ्यांना लवकरच त्यांच्या कारकिर्दीत मोठं यश मिळू शकणार आहे. तुम्ही काही जमीन, मालमत्ता आणि वाहन खरेदी करू शकता.

धनू रास

धनु राशीच्या लोकांसाठी सूर्य आणि शनिदेवाची युती फायदेशीर ठरू शकणार आहे. कारण ही युती तुमच्या राशीच्या चौथ्या घरात तयार होणार आहे. यावेळी तुम्हाला वाहन आणि मालमत्तेचं सुख मिळू शकणार आहे. आर्थिकदृष्ट्या ही परिस्थिती तुमच्यासाठी खूप शुभ ठरू शकणार आहे. तुम्हाला विविध स्रोतांद्वारे संपत्ती मिळवण्याची संधी मिळणार आहे.

मिथुन रास

शनि आणि सूर्याची युती तुमच्यासाठी फायदेशीर ठरू शकणार आहे. या वेळी तुम्हाला काम आणि व्यवसायात विशेष यश मिळू शकणार आहे. कामाच्या ठिकाणीही परिस्थिती तुमच्या बाजूने असेल. या काळात बेरोजगारांना नोकरी मिळू शकणार आहे. नोकरी करणाऱ्यांना कामाच्या ठिकाणी नवीन जबाबदाऱ्या मिळू शकतात.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)