ज्योतिषशास्त्रानुसार ग्रह-नक्षत्रांचं गोचर, वक्री होणं आणि पुन्हा उदयास येणं याचा मानवी जीवनावर मोठा परिणाम होतो. यंदा १२ वर्षांनंतर गुरू ग्रह मिथुन राशीत उदयास येतो. ७ जुलै आणि त्यानंतर शनिदेव १३ जुलैला वक्री होणार आहेत.
गुरु आणि शनी हे दोन ग्रह त्यांच्या स्थितीमध्ये बदल करणार आहेत. या दोन महत्त्वाच्या ग्रहांच्या हालचालीमुळे काही राशींच्या नशिबात मोठा बदल घडण्याची शक्यता आहे. करिअर, पैसा, प्रवास आणि कौटुंबिक आयुष्यात सकारात्मक घडामोडी दिसून येणार आहे. यामध्ये कोणत्या राशींचा समावेश आहे ते पाहूयात.
मीन राशीसाठी गुरू ग्रह सुख स्थानात उदय होणार आहे. तर शनिदेव लग्न भावात वक्री होणार आहेत. हा काळ खूपच सकारात्मक ठरणार आहे. मानसिक शांती लाभणार आहे. आर्थिक दृष्टिकोनातून हा काळ फायदेशीर राहील. या काळात मालमत्ता किंवा वाहन खरेदीसाठीही योग्य वेळ आहे. आईसोबतचं नातं अधिक घट्ट होणार आहे.
वृषभ राशीसाठी गुरू ग्रह दुसऱ्या भावात उदयास येणार आहे. तर शनिदेव अकराव्या स्थानावर वक्री होत आहेत. यामुळे उत्पन्नात वाढ होण्याची दाट शक्यता आहे. गुंतवणुकीच्या दृष्टीने देखील हा काळ लाभदायक ठरू शकतो. करिअरमध्ये उन्नती मिळण्याचा उत्तम योग आहे. तुमच्या बोलण्याने लोकं सहज आकर्षित होतील.
तुला राशीसाठी हा काळ अत्यंत शुभ ठरणार आहे. शनिदेव सहाव्या स्थानावर वक्री होणार असून गुरू ग्रह भाग्य स्थानात उदयास येणार आहे. कोर्टकचेरीसंबंधी विषय तुमच्या बाजूने सुटणार आहेत. विद्यार्थ्यांना अभ्यासात चांगलं यश मिळणार आहे. व्यापाऱ्यांसाठी ही वेळ नफा मिळवणारी ठरणार आहे.
(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.