Viral Video : सोशल मीडियावर रोजच वेगवेगळे व्हिडीओ व्हायरल होत असतात. फूड ब्लॉगरचे व्हिडिओ तर मोठ्या प्रमाणात बघितले जातात. असाच एक फूड व्लॉगिंगचा व्हिडीओ सोशल मीडियावर व्हायरल होत आहे. मात्र हा व्हिडीओ बघून अनेकांची भीतीने पुरती वाट लागली आहे. अनेकांनी व्हिडीओवर टीकेची झोड उठवली आहे.

प्रत्येक जण आपल्या जीभेचे चोचले पुरवण्यासाठी विविध चविष्ट पदार्थ (Food) खात असतात. यात कोणी मासे, तर कोणी पुरण पोळीवर ताव मारतात. तसेच लहान मुलं आणि तरुणाई फास्ट फूड खाणं जास्त पसंत करतात. मात्र व्हायरल होत असलेल्या व्हिडिओत ही महिला फूड ब्लॉगर वटवाघळाचा सूप पिताना दिसतेय.

महिलेला अटक

हा व्हिडीओ सध्या सोशल मीडियावर तुफान व्हायरल होत आहे. यूजर्सने यावर कमेंट्सचा नुसता पाऊस पाडलाय. तसेच महिलेने केलेल्या कृत्यावरून तिला मोठ्या प्रमाणावर ट्रोल केलं जात आहे. व्हिडीओ पाहून पुन्हा एकदा कोरोनाची लाट येईल की काय? अशी भीती अनेकांनी व्यक्त केली आहे. पोलिसांच्या हाती हा व्हिडीओ लागताच त्यांनी महिलेचा शोध घेत तिला जेरबंद केले आहे.

...तर तुरुंगवास आणि लाखोंचा दंडही

वटवाघळाचा सूप पिताना व्हिडिओमध्ये दिसत असलेली ही महिला ब्लॉगर शिक्षिकाही (Teacher) आहे. तिचे स्वत:चे एक यूट्युब चॅनल देखील आहे. त्यावर महिलेने वटवाघळाचा सूप पितानाचा व्हिडीओ पोस्ट केला आहे. या प्रकरणात महिलेला ५ वर्षांचा तुरुंगवास भोगावा लागू शकतो. तसेच ११ लाखांचा दंडही भरावा लागेल.

महिलेने मागितली माफी

कोरोना महामारीने अनेकांचे जीव घेतले. अख्खा देश या संकटातून कसाबसा सावरला आहे. लाखो व्यक्तींचा यात जीव गेला. अशात चीनमध्ये पुन्हा एकदा कोरोनाचा प्रादूर्भाव वाढत आहे. तिथे लॉकडाउनही लागू केला आहे. तसेच कोरोना वटवाघूळ खाल्यामुळेच होतो, असं काहींचं म्हणणं आहे. त्यामुळे महिलेविरोधात अनेकांनी संताप व्यक्त केला आहे. तिला प्रचंड ट्रोल केले जात आहे. यानंतर या महिलेनं माफी मागतानाचा व्हिडिओही सोशल मीडियावर शेअर केला आहे.