Vin Doghatli Hi Tutena: झी मराठीवरील प्रेक्षकांची लाडकी मालिका ‘वीण दोघांतली ही तुटेना’ सध्या रोमांचक टप्प्यात दाखल झाली आहे. तेजश्री प्रधान साकारत असलेली स्वानंदी आणि सुबोध भावे साकारत असलेला समर यांच्या नात्याभोवती फिरणारी ही कथा आधीच लोकप्रिय ठरली असून, नुकत्याच प्रदर्शित झालेल्या प्रोमोमुळे मालिकेतील पुढील भागांविषयी चाहत्यांमध्ये आणखी उत्कंठा निर्माण झाली आहे.

प्रोमोमध्ये दाखवले आहे की, स्वानंदीवर एक अपमानास्पद प्रसंग ओढवतो. समरवरचा विश्वास ठेवते आश्रमातील काही घडामोडींमुळे तिच्यावर अपमानास्पद स्थिती येते. या घटनांमुळे दोघांमधील नातं अधिकच गुंतागुंतीचं होत चाललं आहे. प्रेक्षकांना आता समर आणि स्वानंदी यांच्यातील नातं कसं पुढे सरकेल, त्यांचं एकत्र येणं होईल का, याची उत्सुकता लागली आहे.

यापूर्वी मालिकेत दोघांमध्ये हळूहळू जवळीक निर्माण होत असल्याचं दाखवण्यात आलं होतं. स्वानंदीला समरची साथ मिळेल असं वाटत असतानाच हा अपमान तिच्यासमोर नवं आव्हान उभं करतो. सोशल मीडियावर अनेक प्रेक्षकांनी या प्रोमोवर प्रतिक्रिया दिल्या असून, स्वानंदी आणि समर यांच्यात थेट भेट घडावा अशी मागणी केली आहे. एका नेटकऱ्याने कमेंट केली,एक आठवडा झाला तरी नायक नायिका भेटले नाही, नुसता timepass सुरु आहे, एकही positive scene झाला नाही serial मध्ये नुसती negativity आहे. तर, आणखी एकाने कमेंट केली, या मालिकेत खूपच गैरसमज आहेत. मी समर आणि स्वानंदीची भेट पाहण्यासाठी उत्सुकता.

‘वीण दोघांतली ही तुटेना’ मध्ये प्रेक्षक मालिकेच्या सुरुवाती पासूनच उत्सुक आहेत. आता या मालिकेत स्वानंदी आणि समरची भेट कधी होणार यासाठी चाहते वाट पाहत आहेत. स्वानंदी आणि समरची लव्हस्टोरी असलेली ही मालिका झी मराठीवर सायंकाळी ७.३० वाजता प्रसारित होते.