सध्या सर्वत्र 'बिग बॉस मराठी 6' ची चर्चा पाहायला मिळत आहे. बिग बॉसला कायम जास्त टीआरपी मिळत आला आहे. त्यामुळे बिग बॉसला टक्कर देण्यासाठी विविध चॅनेल नवीन मालिका, मालिकांचे महासंगम, रिअ‍ॅलिटी शो काढत आहेत. नुकताच 'झी मराठी' वाहिनीने एक पोस्ट शेअर केली आहे. ज्यात लोकप्रिय मालिकांच्या महासंगमाची घोषणा केलेली पाहायला मिळत आहे.

'झी मराठी' वाहिनीवरील दोन मालिका 'लक्ष्मी निवास' आणि 'कमळी' यांचा महासंगम पाहायला मिळणार आहे. व्हिडीओच्या कॅप्शनमध्ये लिहिलं की, "महाराष्ट्राच्या सुपरहिट मालिकांचा महासंगम होणार! काय होणार 'या' अनोख्या महासंगमात?...पहायला विसरू नका!" हा महासंगम 11 जानेवारीपासून रात्री 8 ते 9.30 वाजता पाहायला मिळणार आहे. ही भाग तब्बल दीड तासांचे असणार आहे.

'झी मराठी'ने शेअर केलेल्या पोस्टरमध्ये अक्षय देवधर, हर्षदा खानविलकर, दिव्या पुगांवकर आणि विजया बाबर पाहायला मिळत आहे. या महासंगमामुळे चॅनेल आणि मालिकांच्या टीआरपीत वाढ होणार असल्याचे बोले जात आहे. 'लक्ष्मी निवास' आणि 'कमळी' या दोन्ही मालिकांमध्ये आता रंजक वळण पाहायला मिळत आहे. त्यामुळे हा महासंगम कमळी आणि लक्ष्मीच्या आयुष्यात नेमकं कोणते वळण घेऊन येतो. हे पाहणे महत्त्वाचे ठरणार आहे.

'बिग बॉस मराठी 6'

रितेश देशमुखचा 'बिग बॉस मराठी 6' हा रिअ‍ॅलिटी शो 11 जानेवारीपासून दररोज रात्री 8 वाजता कलर्स मराठी आणि जिओ हॉटस्टारवर यंदाचपाहायला मिळणार आहे. यंदाच्या सीझनमध्ये कोण-कोणते कलाकार शोमध्ये झळकणार याची सर्वत्र चर्चा पाहायला मिळत आहे.