Sara Ali Khan Did Not Spend Rs 400 In Roaming: बॉलिवूडची आघाडीची अभिनेत्री सारा अली खान सध्या ‘जरा हटके जरा बचके’ चित्रपटामुळे सोशल मीडियावर चर्चेत आहे. तिचा हा चित्रपट २ जूनला प्रदर्शित झाला असून सध्या ती देशभरात प्रमोशन मध्ये व्यग्र आहे. साराचा सध्या एक व्हिडीओ सोशल मीडियावर तुफान व्हायरल होत असून तिचा कंजूसपणा कमालीचा चर्चेत आला आहे. सध्या नेटकऱ्यांनी तिच्या कंजूसपणावरून तिला ट्रोलिंग करायला सुरूवात केली आहे.

नुकतीच सारा आयफा अवॉर्डसाठी अबू धाबीला गेली होती. ब्रूट इंडियाशी साधलेल्या संवादात ती म्हणाली , "मी रियल लाईफ मध्ये खूप कंजूस आहे. जेव्हा मी अबू धाबीला आली, तेव्हा निर्माते दिनेश विजानने मला व्हॉइस नोट पाठवली. त्यात ते म्हटले की रोमिंगचा रिचार्ज फक्त ४०० रुपयांना येतो तर तो कर. पण जेव्हा मी तिकडे विचारले तर कळलं की १० दिवसांचा रिचार्ज ३००० रुपयांना आहे. तेव्हा मी विचार केला की मी इकडे एका दिवसांसाठी आली आहे तर कशाला एवढे पैसे खर्च करु. मी माझ्या हेअर ड्रेसरचे हॉटस्पॉट घेऊन काम चालवले." यावरून तिला नेटकऱ्यांनी तुफान ट्रोल केले.

साराचा हा कंजूसपणा काही पहिल्यांदाच नेटकऱ्यांनी पाहिलेला नाही. चित्रपटाच्या प्रमोशन दरम्यान विकी- सारा प्रमोशनमध्ये असताना तिचा कंजूसपणा सर्वांनीच पाहिला. तिने आईला टॉवेल खरेदीवरून चांगलेच फटकारले होते. साराच्या आईने १६०० रुपयांचा टॉवेल विकत घेतला होता. टॉवेलसाठी एवढा पैसा का खर्च करतो. व्हॅनिटी व्हॅनमध्ये असे टॉवेल दोन-तीन मोफत मिळतात. यावरून देखील तिला नेटकऱ्यांनी तुफान ट्रोल केले.

सारा- विकी प्रमुख भूमिकेत असलेले ‘जरा हटके जरा बचके’ हा चित्रपट २ जूनला थिएटरमध्ये प्रदर्शित झाला. या चित्रपटाने बॉक्स ऑफिसवर एका दिवसात ६ कोटींची कमाई केली आहे.