बॉलिवूडचा किंग खान शाहरूख खान आज त्याचा ५९ वा वाढदिवस साजरा करत आहे. शाहरूखच्या वाढदिवसानिमित्त त्याला संपूर्ण जगभरातील चाहते वाढदिवसाच्या शुभेच्छा देत आहेत. शाहरूख खानची सिनेसृष्टीवर अनोखी छाप आहे. आजवर अनेक चित्रपटांमध्ये त्याने आव्हानात्मक भूमिका केल्या आहेत. भारत तसेच भारताबाहेर त्याने चित्रपटांचे शुटिंग केले आहे. अशातच तुम्हाला हे माहित आहे का? संपूर्ण जग फिरणारा शाहरूख काश्मिरला का गेला नाही. काय आहे यामागचं नेमकं कारण ते जाणून घेऊया.

शाहरूख खानने त्याच्या एका मुलाखतीत सांगितले होते की, "माझ्या वडिलांची आई ही काश्मिरी होती. म्हणून एकदा वडिलांनी मला सांगितले की, आयुष्यात एकदा तरी इस्तंबूल, रोम आणि काश्मीर या तीन ठिकाणांना भेट दिली पाहिजे. असं शाहरूखचे बाबा त्याला म्हणाले होते.

पुढे शाहरूख म्हणाला, "माझे बाब खुप लवकर हे जग सोडून गेले." मी कामानिमित्त सर्वत्र फिरत असतो. पण मी कधीच काश्मीरला गेलो नाही. मला अनेक संधी आल्या पण मी कधी काश्मीरला जात नाही माझे वडीलांनी मला सांगितले होते, 'काश्मीर मेरे बिन मत देखना... मै दिखाऊंगा...'

याचदरम्यान अनेकदा कामानिमित्त शाहरूख खान काश्मीरला गेला असल्याचे बोलले जात आहे. परंतु काश्मीरला चित्रपटाच्या शुटिंगसाठी गेला असला तरी काश्मीरला फिरायला कधीही गेला नसल्याचे म्हणतो आहे.