Gautami Patil Viral Video:

सबसे कातील म्हटलं की, तोंडून अपसूकच गौतमी पाटील (Gautami Patil) हे नाव ओठांवर येतं. गौतमी पाटीलचा कार्यक्रम म्हटलं की चाहत्यांसाठी मोठी पर्वणीच असते. गौतमी पाटीलची एक झलक पाहण्यासाठी तिचे चाहते मोठी गर्दी करतात. सध्या गौतमी संपूर्ण महाराष्ट्रभर कार्यक्रम घेते.

गौतमी पाटीलची डिमांड इतकी वाढली आहे की, अगदी कोणाचा वाढदिवस असो, हळद असो, लग्न असो, बारसं असो सर्व कार्यक्रमाला तिला बोलावले जाते. अशामध्ये सर्वांची लाडकी गौतम पाटील लग्न कधी करणार असा प्रश्न तिच्या चाहत्यांना पडला आहे. व्हॅलेंटाईन डेच्या (Valentine Day) निमित्ताने गौतमीने ती लग्न कधी करणार? या प्रश्नाचे उत्तर दिलं आहे.

गौतमी पाटील एका कार्यक्रमाला जात असताना पंढरपूरमध्ये आली होती. गौतमी पाटीलने आज विठ्ठल-रूक्मिणीच्या मंदिरामध्ये जाऊन दर्शन घेतलं. त्यानंतर तिने व्हॅलेंटाईन डे सेलिब्रेट केला. यावेळी गौतमी पाटीलला पत्रकारांनी लग्न कधी करणार असा प्रश्न विचारला. गौतमीचे चाहते ज्या दिवसाची आतुरतेने वाट पाहत आहेत त्यावर गौतमी आज व्हॅलेंटाईन डेच्या निमित्ताने सकारात्मक उत्तर देईल असे सर्वांना वाटत होते. पण गौतमीने तिच्या चाहत्यांची पुन्हा नाराजी केली. सध्या तरी आपला‌ लग्नाचा कोणताही विचार नसल्याचेही गौतमी पाटीलने यावेळी स्पष्टपणे सांगितले.

गौतमी पाटील सध्या तरुणाईंच्या गळ्यातली ताईत झाली आहे. गौतमी पाटीलची क्रेझ इतकी वाढली आहे की, सोशल मीडियावर तिचा मोठा चाहतावर्ग झाला आहे. गौतमी पाटील फक्त डान्स कार्यक्रम करत नाही तर काही दिवसांपूर्वी तिचा 'घुंगरू' चित्रपट प्रेक्षकांच्या भेटीला आला. त्याचसोबत गौतमी पाटील अनेक गाण्याच्या माध्यमातून प्रेक्षकांच्या भेटीला आली आहे. 'दिलाचं पाखरू' आणि 'घोटाळा', 'चीझ लई कडक' ही गौतमी पाटीलची गाणी आतापर्यंत रिलीज झाली आहेत. प्रेक्षकांकडून या गाण्याला खूप चांगली पसंती मिळते.