Satinder Kumar Khosla Passed Away Saam Tv
मनोरंजन बातम्या

Satinder Kumar Khosla Death: प्रसिद्ध विनोदी कलाकार काळाच्या पडद्याआड, हृदयविकाराच्या तीव्र झटक्यामुळे निधन

Birbal Passed Away: ज्येष्ठ विनोदी अभिनेते सतींदर कुमार खोसला यांचे वयाच्या ८४ व्या वर्षी निधन झाले.

Chetan Bodke

Satinder Kumar Khosla Passed Away

बॉलिवूड सिनेसृष्टीतून एक दु:खद बातमी येत आहे. बॉलिवूडमधील ज्येष्ठ विनोदी अभिनेते सतींदर कुमार खोसला यांनी वयाच्या ८४ व्या वर्षी मुंबईमध्ये अखेरचा श्वास घेतला आहे. सतींदर यांची बिरबल या नावाने अवघ्या सिनेसृष्टीत ओळख होती. मुंबईतल्या एका रुग्णालयात काल (१२ सप्टेंबर) सायंकाळी सतींदर यांची प्राणज्योत मालवली. गेल्या अनेक दिवसांपासून आजारी असल्यामुळे त्यांच्यावर उपचार सुरू होते. उपचारादरम्यान सतींदर यांची प्राणज्योत मालवली. बुधवारी (१३ सप्टेंबर) त्यांच्या पार्थिवावर अंत्यसंस्कार करण्यात येणार असल्याची माहिती कुटुंबीयांनी दिली आहे.

सतींदर यांचा जन्म २८ ऑक्टोबर १९३८ रोजी पंजाबमध्ये झाला असून त्यांनी अनेक हिंदी चित्रपटामध्ये विनोदी पात्र साकारले आहे. सतींदर यांनी फक्त पंजाबी भाषेतच अभिनय केला नाही तर, भोजपुरी, मराठीसह हिंदीमध्ये देखील अभिनय केला. १९६६ मध्ये 'दो बंधन' आणि १९६७ मध्ये मनोज कुमारच्या 'उपकार' चित्रपटातून सतींदर यांनी हिंदी सिनेसृष्टीमध्ये करियरची सुरुवात केली. कॉलेजमध्ये असल्यापासूनच त्यांना अभिनयामध्ये आवड होती. शिक्षणाऐवजी सतींदर यांना भांगडाच्या कार्यक्रमध्ये आणि नाटकांमध्ये सर्वाधिक आवड होती. त्यांनी आपल्या सिनेकारकिर्दिमध्ये जवळपास ५०० हून जास्त अधिक चित्रपटांमध्ये काम केलं होतं. (Entertainment News)

आजही सतींदर यांना चाहते 'शोले' चित्रपटामुळेच ओळखतात, शोलेमधल्या लूकमुळे त्यांची आजही चर्चा होते. 'तपस्या', 'मेरा गांव मेरा देश', 'चार्ली चॅप्लिन', 'अनुरोध', 'अमिर गरीब', 'सदमा', 'हम हैं राही प्यार के', 'जुगारी', 'फिर कभी', 'मिस्टर अँड मिसेस', 'खिलाडी' सारख्या अनेक चित्रपटांमध्ये सतींदर यांनी काम केले आहे. सतींदर यांनी मनोज कुमार, राजेश खन्ना, जितेंद्र, धर्मेंद्र, अमिताभ बच्चन, हेमा मालिनी आणि मुमताज सारख्या बड्या सेलिब्रिटींसोबत सुद्धा त्यांनी काम केलं होतं. मनोज कुमार आणि दिग्दर्शक राज खोसला यांनी सतींदर यांचे नाव बदलून बिरबल ठेवले होते, अशी चर्चा सध्या होत आहे. (Actors)

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Success Story: एकेकाळी आत्महत्या करण्याचा विचार ते IPS अधिकारी; अमित लोढा यांचा प्रेरणादायी प्रवास

Saturday Horoscope : पार्टनरसाठी पैसा खर्च करावा लागणार; ५ राशींचे लोक संधीचं सोनं करणार, वाचा

Shocking : बापरे! ९८ टक्के भरलेल्या धरणावर कारचालकाची स्टंटबाजी; व्हिडिओ पाहून फुटेल घाम, VIDEO

Relationship Dispute : लग्नाचं आश्वासन देऊन ठेवलेले शारीरिक संबंध दुष्कर्म ठरत नाहीत : कोर्ट

Viral Video : अभिनेत्याचं स्टेजवर अभिनेत्रीशी गैरवर्तन, थेट कमरेत घातला हात; सोशल मीडियावर होतंय ट्रोलिंग

SCROLL FOR NEXT