Shivani Sonar And Amber Ganpule Engagement

२०२४ या वर्षामध्ये बहुतांश मराठी कलाकारांनी लग्नगाठ बांधत नव्या आयुष्याची सुरुवात केली आहे. शिवानी-अजिंक्य, तितीक्षा-सिद्धार्थ, पूजा- सिद्धेश, प्रथमेश- क्षितीजा, योगिता-सौरभ या सेलिब्रिटी कपलनंतर आता आणखी एक कपल लवकरच लग्नबंधनात अडकणार आहे. नुकतंच शिवानी सोनारने गुपचूप साखरपुडा आटोपला आहे. अभिनेत्रीने अभिनेता अंबर गणपुलेसोबत गुपचूप साखरपुडा उरकला. त्यांच्या साखरपुड्याचे फोटो सोशल मीडियावर तुफान व्हायरल होत आहेत. (Tv Serial)

अंबर आणि शिवानीने गुढीपाडव्याचा मुहूर्त साधत, साखरपुडा गुपचूप आटोपला. साखरपुड्यातले अनेक फोटो, व्हिडीओ सध्या सोशल मीडियावर जोरदार व्हायरल होत असून त्यांच्या सेलिब्रिटी मित्रांनी त्यांना सोशल मीडियावरून दोघांना भावी आयुष्याच्या शुभेच्छा दिलेल्या आहेत. नुकतीच शिवानीने साखरपुड्याचे काही फोटो शेअर केले आहेत. दोघेही एंगेजमेंट रिंग दाखवताना दिसत आहेत. (Social Media)

अभिनेत्रीने इन्स्टाग्रामवर साखरपुड्यातले फोटो काही वेळापूर्वीच शेअर केलेले आहेत. “अलेक्सा “एक दिन आप यूं हमको मिल जायेंगे” गाणं प्ले कर... #Ambani” असं कॅप्शन अभिनेत्रीने फोटो पोस्ट केलेले आहेत. शिवानी आणि अंबरने साखरपुड्यासाठी खास लूक केला होता. शिवानीने साखरपुड्यामध्ये, गुलाबी रंगाचा डिझायनर लेहेंगा वेअर केलेला होता. तर अंबरने जांभळ्या रंगाचा लखनवी कुर्ता आणि पायजमा परिधान केलेला दिसत आहे. शिवानी आणि अंबर या लूकमध्ये खूपच सुंदर दिसत होते. (Televesion Actor)

शिवानीच्या या साखरपुड्याच्या पोस्टवर अभिनेत्री भाग्यश्री मोटे, ऋतुजा देशमुख, ऋचा आपटे, सुकन्या मोने, सुयश टिळक, अनघा अतुल, आरती मोरे अशा अनेक कलाकार मंडळींसह चाहत्यांनी शिवानी व अंबरवर शुभेच्छांचा वर्षाव केला आहे. शिवानी आणि अंबरच्या कामाबद्दल सांगायचे तर, शिवानी अलीकडेच कलर्स मराठीवरील ‘सिंधुताई माझी माई’ या मालिकेत प्रमुख भूमिकेत होती. तिने मालिकेत सिंधुताई सकपाळ यांची भूमिका साकारली होती. नुकतीच ती मालिका ऑफ एअर झाली. तर अंबर ‘रंग माझा वेगळा’नंतर ‘लोकमान्य’ मालिकेत झळकला होता. या मालिकेत त्याने गोपाळ गणेश आगरकर यांची भूमिका साकारली होती. (Entertainment News)