अभिनेता तुषार कपूरने (Tusshar Kapoor) अनेक हिट चित्रपट केले आहेत. त्याची सोशल मीडियावर खूप फॅन फॉलोइंग आहे. नुकतेच तुषारने आपल्या चाहत्यांसोबत एक बातमी शेअर केली आहे. तुषारचे पब्लिक आणि प्रायव्हेट फेसबुक अकाउंट हॅक झाले आहे. ज्यामुळे तो काही काळ सोशल मीडियावर सक्रिय नसेल.

तुषार कपूरने पोस्ट करून सांगितले की, त्याची टीम फेसबुकचे अकाउंट पूर्ववत करण्यासाठी प्रयत्न करत आहे. लवकरच माझ अकाउंट सुरळीत सुरू होईल. त्यांनी इंस्टाग्रामवर या बाबतची पोस्ट केली आहे. त्यांनी लिहिलं की, "मी तुम्हाला सांगतो की माझे पब्लिक आणि प्रायव्हेट फेसबुक अकाउंट हॅक (Facebook Account Hacked) झाले आहे. त्याच्यासोबत कोणातरी छेडछाड केली आहे. ज्यामुळे मी सोशल मीडियावर सक्रिय नाही. परिस्थिती नियंत्रणात आणण्यासाठी माझी टीम कार्यरत आहे. लवकरच तुमच्या सर्वांशी पुन्हा कनेक्ट होईन. तोवर तुमचा पाठिंबा असावा." अशी नोट त्यांनी लिहिली आहे.

तुषार कपूर लवकरच 'दस जून की रात' यामधून प्रेक्षकांच्या भेटीला आला. 'मुझे कुछ कहना है' हा तुषार कपूरचा पहिला चित्रपट खूप हिट झाला. त्यांनी अनेक कॉमेडी चित्रपट केले आहेत. त्याचा 'गोलमाल' आणि 'क्या कूल हैं हम' हे चित्रपट गाजले आहेत. तुषार कपूर हा ज्येष्ठ अभिनेते जितेंद्र यांचा मुलगा आहे. तसेच तुषार चित्रपटची निर्मिती देखील करतो.