Sonal Pawar Marriage:

२०२३ हे वर्ष बऱ्याच मराठी सेलिब्रिटींसाठी खूपच खास ठरलं आहे. या वर्षामध्ये अनेक सेलिब्रिटींनी लग्न करत आपल्या नव्या आयुष्याची सुरूवात केली. या वर्षाच्या शेवटी अनेक सेलिब्रिंटीचे लग्न पार पडले. नुकताच अभिनेत्री गौतमी देशपांडे आणि स्वानंद तेंडुलकर (Gautami Deshpande- Swanand Tendulkar) यांचा विवाहसोहळा पार पडला. त्यांच्यानंतर स्वानंदी टिकेकर आणि आशिष कुलकर्णी (Swanandi Tikekar- Ashish Kulkarni) यांचे लग्न झालं. आता यांच्यापाठोपाठ आणखी एका टीव्ही अभिनेत्रीने लग्न केले आहे. 'तुला पाहते रे फेम' सोनल पवारचा (Sonal Pawar) मोठ्या थाटामाटात विवाहसोहळा पार पडला.

‘रमा राघव’ आणि 'तुला पाहते रे फेम' सोनल पवारने आज समीर पालुष्टेसोबत लग्न केले. त्यांच्या लग्नसोहळ्याचे फोटो आणि व्हिडीओ सध्या सोशल मीडियावर व्हायरल होत आहेत. मराठमोळ्या पद्धतीने सोनल आणि समीर यांचा विवाहसोहळा पार पडला. लग्नामध्ये समीर आणि सोनल खूपच क्युट दिसत होते. सोनलने राणी कलरची नऊवारी साडी नेसली होती. मराठमोळा साज केलेली सोनाली लग्नात खूपच सुंदर दिसत होती. तर तिचा पती समीरने ऑफ व्हाइट कलरचा कुर्ता आणि धोतर परिधान केले होते. डोक्यावर फेटा बांधलेला समीर लग्नात खूपच हँडसम दिसत होता.

सोनल आणि समीरच्या लग्नाचे फोटो आणि व्हिडीओ सोशल मीडियावर व्हायरल होत असून चाहत्यांनी या फोटोंना चांगली पसंती दिली आहे. या फोटोंवर कमेंट्स करत सोनलच्या चाहत्यांनी तिच्यावर शुभेच्छांचा वर्षाव करत या कपलला आशीर्वाद दिले आहेत. त्याचसोबत त्यांना भावी आयुष्यासाठी खूप साऱ्या शुभेच्छा दिल्या आहेत.

सोनालीच्या वर्कफ्रंटबद्दल सांगायचे झाले तर, सोनाली प्रसिद्ध टेलिव्हिजन अभिनेत्री आहे. सुबोध भावे आणि गायत्री दातारच्या 'तुला पाहते रे' या मालिकेतून सोनल पवारला खूप चांगली प्रसिद्धी मिळाली. या मालिकेमुळे ती घराघरामध्ये पोहचली. सध्या ती 'रमा - राघव' या मालिकेत काम करत आहे. यासोबतच तिने ‘बॉस माझी लाडाची’ या मालिकेतही काम केले आहे. तिने प्रसिद्ध गाण्यांमध्येही काम केले आहे. तर सोनालीचा पती समीर एक बिझनेसमॅन असून स्पार्कल्स मीडियाचा फाऊंडर आणि सीईओ आहे. यासोबतच तो डिजिटल मार्केटर आणि ब्रँड कन्सलटंट म्हणून काम करतो.