टॉलिवूड सिनेसृष्टीतून एक दु:खद बातमी येत आहे. लोकप्रिय कला दिग्दर्शक मिलन यांचे हृदयविकाराच्या तीव्र झटक्याने निधन झाले आहे. या सुप्रसिद्ध दिग्दर्शकाचा अझरबैजानमध्ये आगामी चित्रपट ‘विदामुयार्ची’ च्या शुटिंग दरम्यान त्यांचे निधन झाले. रविवारी चित्रपटाच्या शुटिंग दरम्यान कला दिग्दर्शकांना हृदयविकाराचा तीव्र झटका आला. त्यांच्या जाण्याने दाक्षिणात्य सिनेसृष्टीला मोठा धक्का बसला असून टॉलिवूडमधील सुप्रसिद्ध अभिनेता अजित कुमारनं पोस्ट शेअर करत वृत्त दिले.
एक सुप्रसिद्ध कलादिग्दर्शक म्हणून मिलन यांची टॉलिवूडमध्ये ओळख आहे. त्यांच्या जाण्याचे वृत्त कळताच चाहत्यांना देखील मोठा धक्का बसला आहे. मिलन यांचे जाणे हे अनेकांसाठी धक्कादायक आहे. मिलन यांनी अनेक तमिळ चित्रपटांमध्ये काम केले आहे. मिलन यांनी टॉलिवूडमधील प्रसिद्ध अभिनेता थलापती विजय, अजित कुमार, चियान विक्रम, जयम रवी यांच्यासोबत काम केले होते. त्यांचा चाहतावर्गही मोठा होता.
मिलनने १९९९ मध्ये कला दिग्दर्शक आणि प्रॉडक्शन डिझायनर साबू सिरिलसोबत त्यांनी आपल्या करिअरची सुरुवात केली. या काळात मिलन यांना अनेक दिग्गज कलाकारांसोबत मोठ्या चित्रपटांमध्ये काम करण्याची संधी मिळाली. मिलन यांनी आपल्या फिल्मी कारकिर्दित अजित कुमार सोबत अनेक चित्रपटांमध्ये काम केले आहे. ज्यामध्ये थलपथी विजय यांच्या 'सिटिझन', 'रेड और व्हिलन', 'थामीजान' चित्रपटांचा तर चियान विक्रमच्या 'अन्नियां' यांसारख्या चित्रपटांचा प्रामुख्याने समावेश केला जातो.
अभिनयानंतर मिलनने २००६ मध्ये ‘आर्य’ मधून कला दिग्दर्शक म्हणून सुरुवात केली होती. ‘बिल्ला’, ‘वेट्टाइकरण’, ‘थुनिवू’, ‘विवेगम’, ‘वेदालम’ आणि ‘सामी २’ या लोकप्रिय चित्रपटांचा समावेश आवर्जुन केला जातो.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.