Vijay Deverakonda On Rumours Of Engagement To Rashmika Mandanna

टॉलिवूडमधील लोकप्रिय कपल म्हणजे विजय देवरकोंडा आणि रश्मिका मंदाना. या कपलच्या साखरपुड्याची गेल्या अनेक दिवसांपासून चर्चा होत आहे. गेल्या काही दिवसांपूर्वी हे कपल फेब्रुवारी महिन्यामध्ये लग्नबंधनात अडकणार असल्याच्या चर्चाही सुरु होत्या. खरंतर या दोघांच्या साखरपुड्याच्या अनेकदा चर्चा झाल्या आहेत. नुकतंच स्वतः विजय देवरकोंडाने त्यांच्या लग्नाच्या अफवांवर प्रतिक्रिया दिली आहे. (Tollywood)

नुकतंच विजयने त्याच्या आणि रश्मिकाच्या साखरपुड्याच्या होत असलेल्या चर्चांवर भाष्य केलं आहे. ‘लाइफस्टाइल एशिया’ला दिलेल्या मुलाखतीत अभिनेता विजय देवरकोंडा म्हणाला, “मी फेब्रुवारी महिन्यामध्ये साखरपुडा किंवा लग्न करणार नाही. माध्यमं दर दोन वर्षाला माझे लग्न करते. मी दरवर्षी साखरपुड्याच्या आणि लग्नाच्या अफवा ऐकतो. माध्यमं माझ्या लग्नाची वाट पाहत आहेत.” असं विजय या मुलाखतीत म्हणाला. (Actor)

सोशल मीडियावर विजय देवरकोंडा आणि रश्मिका मंदानाचे विएतनाममध्ये क्वालिटी टाइम स्पेंड करत असतानाचे फोटो व्हायरल होत आहेत. क्वालिटी टाइम स्पेंड करत असतानाचे फोटो काही दिवसांपूर्वीच विजयने त्याच्या इन्स्टाग्राम अकाऊंटवरून शेअर केले होते. तिथे धमाल मस्ती करतानाचे अनेक फोटो आणि व्हिडीओही तुफान व्हायरल झाले होते.

रश्मिका व विजयने ‘गीता गोविंदम’, ‘डिअर कॉम्रेड’ या रोमँटिक तेलुगू चित्रपटात एकत्र काम केलं आहे. या दोघांची ऑनस्क्रीन जोडी प्रेक्षकांमध्ये खूप लोकप्रिय आहे. (Entertainment News)