Marathi Serial TRP Rating News

टेलिव्हिजन सिरीयल चॅनेलचा लेटेस्ट TRP रिपोर्ट जाहीर झाला आहे. सप्टेंबरमधील मधल्या आठवड्यातील मालिकेंचा टीआरपी रिपोर्टसमोर आला आहे. टीआरपीच्या खेळामध्ये गेल्या काही दिवसांपूर्वी प्रदर्शित झालेल्या ‘ठरलं तर मग’ या मालिकेने पुन्हा एकदा टीआरपीच्या शर्यतीत बाजी मारली आहे. तर त्यानंतर गेल्या आठवड्यात टीआरपी रिपोर्टमध्ये एक नंबरवर असलेल्या ‘प्रेमाची गोष्ट’ ही मालिका दुसऱ्या क्रमांकावर आलेली आहे.

‘ठरलं तर मग’ ही मालिका गेल्या काही महिन्यांपूर्वी स्टार प्रवाहवर प्रदर्शित झाली होती. प्रदर्शित झाल्यापासून अनेक सिरियल्सला मागे सारत, टीआरपीमध्ये पहिल्या नंबरवर आली आहे. मालिकेत मुख्य भूमिकेत जुई गडकरी आणि अमित भानुशाली असून पती-पत्नीची एक वेगळीच लव्ह स्टोरी प्रेक्षकांना अनुभवायला मिळणार आहे.

तर तिसऱ्या क्रमांकापासून पुढे ‘आई कुठे काय करते’, सुख म्हणजे नक्की काय असतं, ठिपक्यांची रांगोळी या अशा मालिका आहेत. तर अकराव्या क्रमांकावर झी मराठीची तुला शिकविनच चांगला धडा ही मालिका आहे. ही मालिका गेल्या अनेक दिवसांपासून मालिकेच्या टीआरपीच्या शर्यतीत अव्वल असलेली पाहायला मिळतेय.

हा टीआरपीचा रिपोर्ट १५ सप्टेंबर ते २२ सप्टेंबर पर्यंतचा आहे. सध्या ठरलं तर मग, प्रेमाची गोष्ट, आई कुठे काय करते, सुख म्हणजे नक्की काय असतं, ठिपक्यांची रांगोळी या मराठी मालिकांमध्ये जबरदस्त शर्यत पाहायला मिळत आहे. कायमच कोण टीआरपी चार्टमध्ये अव्वल ठरेल, यामध्ये सर्वच प्रयत्नात पाहायला मिळत आहे.