लोकप्रिय टेलिव्हिजन कपल सुगंधा मिश्रा आणि संकेत भोसले यांनी आपल्या अभिनयातून चाहत्यांमध्ये प्रसिद्धी मिळवली. कायमच आपल्या कामामुळे चर्चेत राहणारी ही जोडी सध्या सोशल मीडियावर त्यांच्या आयुष्यामुळे चर्चेत आले आहेत. नुकतंच सुगंधा आणि संकेतने सोशल मीडियावर फोटोशूट करत चाहत्यांसोबत गुड न्यूज शेअर केली आहे. नुकतंच अभिनेत्रीने इन्स्टाग्रामवर पोस्ट करत पहिल्या प्रेग्नेंसीची घोषणा केली आहे.
सुगंधा फोटोशूटमध्ये बेबी बंप फ्लाँट करताना दिसली. त्यांनी हे मॅटर्निटी फोटोशूट एका बीचवर केलं आहे. अभिनेत्रीचं हे बीचवरील फोटोशूट सध्या प्रचंड चर्चेत आलं आहे. फोटोशूट दरम्यान, अभिनेत्रीने वाईन कलरचा वेस्टर्न ड्रेस तर संकेतने गुलाबी शर्ट आणि डेनिम जीन्स घालून फोटोशूट केले. बेबीबंप फोटोशूट शेअर करताना सुगंधाने फोटोंना कॅप्शन दिले की, “लवकरच कोणतरी येणार आहे.... आमच्या नवीन एडिशनची प्रतिक्षा करू शकत नाही. कृपया आपलं प्रेम आणि आशीर्वाद असंच राहुद्या...”
सध्या अभिनेत्रीचे बेबीबंप फोटोशूट प्रचंड चर्चेत आले आहे. फोटोशूटवर नेहा कक्कर, भारती सिंग, गौहर खान, नुकूल मेहता, किकू शारदा, हितेन तेजवानीपासून जय भानुशालीपर्यंत अनेक सेलिब्रिटींनी त्यांचे कौतुक केले. त्यासोबतच अनेक चाहत्यांकडूनही अभिनेत्रीवर अभिनंदनाचा वर्षाव झाला.
सुगंधा आणि संकेत यांनी लग्नाआधी अनेक वर्ष एकमेकांना एकत्र डेट केलं होतं. त्यानंतर त्यांनी २६ एप्रिल २०२१ मध्ये लग्नगाठ बांधली होती. लग्नाच्या दोन वर्षांनंतर ते आई-बाबा होणार आहेत. सुगंधाचा पती पेशाने डॉक्टर आणि कॉमेडियन आहे.
‘द कपिल शर्मा शो’मध्ये संकेतने अनेकदा संजय दत्तची जबरदस्त मिमिक्री केली होती. तर सुगंधाबद्दल सांगायचे तर, तिने २०१४ मध्ये ‘हिरोपंती’मधून बॉलिवूडमध्ये पदार्पण केलं होतं. जरीही असं असलं तरी सुगंधाची खरी ओळख कपिल शर्मा शोमुळेच झाली.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.