Divorced Photoshoot: आतापर्यंत तुम्ही वेडिंग फोटोशूट, बेबी बंप फोटोशूट, प्री-वेडिंग फोटोशूटबद्दल ऐकले आणि पाहिले असेल. पण आता आम्ही तुम्हाला येथे जे फोटोशूट दाखवणार आहोत, ते घटस्फोट झाल्याच्या आनंदात केलेलं शूट आहे. तमिळ अभिनेत्री शालिनी (Tamil Actress Shalini) तिच्या घटस्फोटाच्या फोटोशूटमुळे चर्चेत आली आहे.

Tamil Actress Shalini : 'माझ्याकडे ९९ समस्या आहेत, पण त्यात नवरा हा प्रॉब्लेम नाही'

याबद्दल बोलताना शालिनी म्हणाली, ''माझ्याकडे ९९ समस्या आहेत पण नवरा हा काही आता प्रॉब्लेम नाही. तामिळ अभिनेत्री शालिनीने पतीपासून विभक्त झाल्यानंतर स्वत:ला एक सशक्त महिला म्हणून जगासमोर सादर केले आहे.''

तमिळ अभिनेत्री शालिनीचे हे घटस्फोटाचे फोटोशूट सध्या सोशल मीडियावर व्हायरल होत आहे. शालिनीचे हे फोटोशूट IRIS ने केले आहे आणि तिचे फोटो शेअर करताना लिहिले, 'भारतात पहिल्यांदाच असे घडले आहे, जे अगदी वेगळे आहे आणि हे घटस्फोट सेलिब्रेशनचे फोटोशूट आहे.' तिने कॅप्शनमध्ये असे लिहिले की, प्रत्येक शेवट तुम्हाला नवीन सुरुवातीकडे घेऊन जातो! (Latest Marathi News)

Divorced Photoshoot: 'चुकीचं लग्न मोडणंच योग्य आहे, कारण तुम्हालाही आनंदी राहण्याचा हक्क आहे'

फोटोशूटचे काही फोटो शेअर करत शालिनीने लिहिले की, 'एक घटस्फोटित महिला त्या सर्वांसाठी त्या एका संदेशासारखी असते ज्यांना आपल्याला आवाज नाही असे वाटत असते. चुकीचं लग्न मोडणंच योग्य आहे कारण तुम्हालाही आनंदी राहण्याचा हक्क आहे. कधीही कमकूवत होऊ नका आणि आपल्या आयुष्यावर ताबा मिळवा, तुमच्या आणि तुमच्या मुलांच्या चांगल्या भविष्यासाठी आवश्यक बदल करा.

'एकटे उभे राहण्यासाठी खूप हिंमत लागते'

या पोस्टमध्ये त्यांनी पुढे लिहिले आहे की, 'घटस्फोट म्हणजे अपयश नाही. तुमच्या आणि तुमच्या आयुष्यात सकारात्मक बदल घडवून आणण्यासाठीचा हा एक टर्निंग पॉइंट आहे. लग्न सोडून एकटे उभे राहण्यासाठी खूप धैर्य लागते, म्हणून मी हे सर्व धाडसी महिलांना समर्पित करते.'