तारक मेहता का उल्टा चष्मा (Taarak Mehta Ka Ooltah Chashmah) फेम झील मेहता (Jheel Mehta) लवकरच लग्नबंधनात अडकणार आहे. तिने आपल्या सोशल मीडियावर त्या संदर्भातील एक खास पोस्ट केली आहे. ज्या पोस्टने सर्वांचे लक्ष वेधून घेतलं आहे. झील मेहता 'तारक मेहता का उल्टा चष्मा' या शोमुळे लोकप्रिय झाली. या शोमध्ये तिने सोनूची भूमिका साकारली होती. करिअरसाठी तिने हा शो खूप आधी सोडला. तरी देखील आजही लोक तिला तारक मेहतामधील सोनू याच नावाने जास्त ओळखली जातात.

झीलने आपल्या बॉयफ्रेंडसोबतचे सुंदर फोटो शेअर केले आहेत. तिने या पोस्टला सुंदर कॅप्शन देखील दिले आहे. झीलने लिहिलं की, "लग्नाला 100 दिवस बाकी!" असे हटके कॅप्शन दिले आहे. या फोटोंमध्ये त्यांचा रोमँटिक अंदाजात दिसत आहे. तब्बल 100 दिवसांनी झील बॉयफ्रेंड आदित्य दुबेसोबत सात फेरे घेणार आहे. या फोटोंमध्ये ती दोघही एकमेकांसोबत मजा-मस्ती करताना पाहायला मिळत आहेत. तिच्या या लग्नासंबंधित पोस्टवर चाहते प्रेमाचा वर्षाव करत आहेत. लग्नाच्या शुभेच्छा देत आहेत.

झीलने गोव्यात तिच्या मैत्रिणींसोबत बॅचलर पार्टी केली होती. तिने पार्टीचे फोटोही पोस्ट केले होते, ज्यामध्ये ती फ्लोरल ड्रेसमध्ये खूपच क्यूट दिसत होती. तसेच खांद्यावर एक पट्टा जोडलेला होता, ज्यावर नववधू असे लिहिले होते. झीलने जबरदस्त बॅचलर पार्टी गोव्यात आपल्या मित्रांसोबत केली. तिने याचे फोटो देखील आपल्या सोशल मीडियावर पोस्ट केले आहेत. यामध्ये झील गुलाबी रंगाचा फ्लोरल ड्रेस परिधान केला होता. या फोटोंमध्ये झील खूपच सुंदर दिसत आहे.