बिग बॉस मराठीचा सीझन ५ चांगलाच गाजताना दिसत आहे. बिग बॉसच्या घरात सूरज चव्हाणची हवा पाहायला मिळत आहे. सूरज बोलतो कमी पण वेळ आली तर सर्वांना भारी देखील पडतो. बिग बॉसच्या घरामध्ये निक्की तांबोळी आणि जान्हवी किल्लेकर यांचा सतत राडा असतो. ते घरातील इतर सदस्यांना दमदाटी करतात. पण असे असले तरी देखील सूरज चव्हाण दोघींनाही न घाबरता जशाच तसे उत्तर देतो आणि त्यांची चूक दाखवून देतो. निक्की आर्याला सतत टोमणे मारत असते आणि तिच्यासोबत भांडत असते. यावरून आता सूरज चव्हाण आर्याला पाठिंबा देतो आणि तिला तू बिनधास्त नड असं सांगतो. सूरज चव्हाणचा नवा प्रोमो व्हिडीओ समोर आला असून तो सध्या सोशल मीडियावर व्हायरल होत आहे.

'बिग बॉस मराठी ५'चा नवा प्रोमो समोर आला आहे. या प्रोमोमध्ये सूरज चव्हाण, अभिजीत सावंत आणि आर्या जाधव एकत्र बसून गप्पा मारताना दिसतात. यावेळी सूरज या दोघांना म्हणतो की, 'जिथे अत्याचार होणार तिथे सूरज चव्हाण उभा राहणार... बोलत नाहीना म्हणून ते गरीबांचा असा फायदा घेतात. निक्कीने केलं की आपण ते सहन करायचं? आणि तेच आर्याने केलं तर? आपल्या ग्रुपमधलं कोणीही असो त्याला पाठिंबा द्यायचा म्हणजे द्यायचा...तू नड.', असं म्हणत सूरज चव्हाण आर्या जाधवला फुल्ल सपोर्ट करताना दिसतो.

'बिग बॉस मराठी'चा नवा सीझन सुरू होऊन 25 दिवस पूर्ण झाले आहेत. बिग बॉसचा नवा सीझन सुरू झाल्यापासूनचा प्रत्येक दिवस हा खूप खास आहे. प्रत्येक सदस्याने आपला वेगळा चाहतावर्ग निर्माण केला आहे. सूरज चव्हाण बिग बॉसच्या घरात आल्यापासून सुरुवातीला खूप शांत होता. पण आता हळूहळू त्याला 'बिग बॉस मराठी'चा गेम कळू लागला आहे. तो देखील घरातील इतर सदस्यांना चूक दाखवून देत आहे.'बिग बॉस मराठी'च्या घरात जिथे चुकीचं होणार तिथे सूरज चव्हाण उभा राहतो.

'बिग बॉस मराठी'च्या आजच्या भागात अरबाज पटेल म्हणत आहे की, 'बिग बॉस' खतरनाक आहेत. माझ्या कॅप्टनसीमध्ये डिलेमा दिलाय त्यांनी. कॅप्टनसी बरोबर सुरू होती. इम्युनिटी हा सर्वात मोठा प्रश्न होता. या इंडस्ट्रीत मी नवीन आहे". त्यावर अंकिता म्हणते,'मला प्रामाणिकपणे तुझा खेळ वीक वाटत नाही. मला वैभवचा खेळ वीक वाटतो.' आजच्या एपिसोडमध्ये नॉमिनेशनचा टास्क पार पडणार आहे. सदस्यांना त्यांच्या गळ्यात आलेल्या सदस्यांचा फोटो चुलीत टाकून त्यांना नॉमिनेट करायचे आहे.