'स्टार प्रवाह'वर नवीन मालिकांची मेजवानी सुरूच आहे. आधी 'लपंडाव' त्यानंतर 'नशीबवान' आणि आता अजून एक हॉरर मालिकेची घोषणा करण्यात आली आहे. ज्यामुळे प्रेक्षक खूपच खुश असल्याचे पाहायला मिळत आहे. यंदा 'स्टार प्रवाह' प्रेक्षकांना गूढ कथा दाखवण्यासाठी सज्ज झाले आहे. नुकताच मालिकेचा प्रोमो शेअर करण्यात आला आहे. तो पाहून कोणालाही घाबरायला होईल.

प्रोमोमध्ये पाहून शकता की, मालिकेचा अभिनेता ऑफिसवरून घरी आपल्या बिल्डिंगमध्ये येत असतो. तो आपल्या फोनमध्ये व्यस्त असलेला पाहायला मिळतो. तेवढ्यात मागून पैंजणांचा आवाज येतो आणि तो थांबतो. तो जिन्यांवरून डोकावून पाहतो पण तिथे कोणी नसते. म्हणून आवाजाकडे दुर्लक्ष करून तो वरच्या मजल्यावर जाताना दिसतो. मात्र खाली अंधारात एका महिलेची सावली पाहायला मिळते. आता ही सावली नेमकी कोण, याचे रहस्य तर मालिकेत उलघडताना पाहायला मिळणार आहे.

नवीन मालिकेचे नाव काय?

नवीन मालिकेच्या प्रोमोला हॉरर कॅप्शन देण्यात आले आहे. कॅप्शनमध्ये लिहिलं की, "300 वर्षानंतर ती परत येतेय..." 'स्टार प्रवाह' वरील नवीन मालिकेचे नाव 'काजळमाया' (kajalmaya ) असे आहे. या मालिकेत मराठमोळा अभिनेता अक्षय केळकर ( Akshay Kelkar ) झळकणार आहे. अक्षय केळकर हा 'बिग बॉस 4' चा विजेता (Bigg Boss Marathi Season 4 Winner) राहिला आहे. मालिकेच्या प्रोमोवर चाहत्यांकडून कमेंट्सचा वर्षाव होत आहे. प्रेक्षक मालिका पाहण्यासाठी उत्सुक असल्याचे दिसत आहे.

'काजळमाया' मालिकेची रिलीज डेट आणि वेळ अद्याप जाहिर करण्यात आली नाही आहे. तसेच मालिकेत अजून कोणते कलाकार झळकणार हे पाहणे देखील महत्त्वाचे ठरणार आहे. तसेच अक्षय केळकर या मालिकेतून नवीन भूमिकेत आणि अंदाजात पाहायला मिळणार आहे.