Snehal Shidam and Nikhil Bane Instagram Post: सध्या मनोरंजन सृष्टीत प्रेमाचे आणि लग्नच वारे वाहत आहेत. बॉलिवूड कलारांसह मराठी तारे-तारकांची देखील लगीन घाई गेले काही दिवस पाहायला मिळत आहे. नुकताच हास्यजत्रा फेम अभिनेत्री वनिता खरात हीच लग्न झालं आहे. तर आता स्नेहल शिदम लवकरच लग्नबंधात अडकणार आहे. बरं ही चर्चा हवेत होत नाहीये. चला जाऊन घेऊया या चर्चेचं मूळ कारण.

स्नेहल शिदमने तिच्या सोशल मीडियावरून एक फोटो शेअर केला आहे. या फोटोमध्ये स्नेहल 'महाराष्ट्राची हास्य जत्रा'मधील निखिल बने सोबत दिसत आहे. दोघांची त्यांचा एक क्युट फोटो शेअर केला आहे. या फोटोमध्ये निखिने स्नेहलचा हात धरला आहे. तसेच स्नेहलने लाजत निखिलच्या खांद्यावर डोकं ठेवलं आहे.

स्नेहलने त्यांच्या या फोटोला भन्नाट कॅप्शन दिले आहे. यावरून त्यांच्या नात्याची चर्चा सुरु झाली आहे. स्नेहलने लिहिले आहे की, पिरतीच्या फडात ग धरला हात असा, काळीज येंधलं आरल .....' त्यांच्या या पोस्ट अनेक कमेंट येत आहेत. मराठी सेलेब्रिटींसह अनेकजण त्यांच्या या फोटो कमेंट करत आहेत.

पहिली कमेंट श्रेया बुगडेने केली आहे. 'मला तू काहीच सांगितलं नाहीस, लगेच माझ्या मेकअप रूममध्ये ये, मला सर्व अपडेट हवी आहे.' असे श्रेया म्हणाली आहे. चला हवा येऊ द्या आणि महाराष्ट्राची हास्यजत्रा यांची युती झाली, चला हवा येऊ द्या आणी हास्यजत्रा यांचा संगम, बने.. तुम्हारे तो दिन बने..., अशा कमेंट नेकरी करत आहेत. तसेच दोघांचे अभिनंदन देखील करत आहेत.

चला हवा येऊ द्या मधून स्नेहल शिदम घराघरात पोचली. तर महाराष्ट्राची हास्य जत्राच्या माध्यमातून निखिल बनेला ओळख मिळाली. दोघेही विनोदवीर आहेत. महाराष्ट्रातील जनतेला हसवण्याचा काम करत आहेत. दोघेही सोशअल मीडियावर सक्रिय आहेत. तसेच तिथेही नेटकऱ्यांचे मनोरंजन करत असतात.