Shaan : बॉलिवूडचा प्रसिद्ध गायक शान राहत असलेल्या मुंबईतील इमारतीला पहाटे १ वाजता आग लागली. गायकांच्या इमारतीतून अचानक धूर येऊ लागल्यामुळे अग्निशमन दलाच्या गाड्या तातडीने घटनास्थळी पोहोचल्या. आतापर्यंत मिळालेल्या माहितीनुसार आग विझवण्यात आली असून या घटनेत कोणीही जखमी झालेले नाही.

कोणीही जखमी झाले नाही

अग्निशमन दलाच्या गाड्या घटनास्थळी पोहोचल्यानंतर आग आटोक्यात आणण्यात आली. या अपघातात कोणीही जखमी झाले नाही ही दिलासादायक बाब आहे. मात्र, या आगीनंतर इमारतीतील एका ८० वर्षीय महिलेला श्वास घेण्यास त्रास होत असल्याने रुग्णालयात दाखल करण्यात आले आहे. शानच्या इमारतीला आग लागल्याचे वृत्त समजताच त्याचे चाहते चांगलेच चिंतेत पडले. माहितीनुसार, आग लागली तेव्हा गायक शान त्याच्या घरीच होता. अग्निशमन दलाच्या जवानांनी सुमारे अडीच तासांच्या प्रयत्नांनंतर आग विझवली.अग्निशमन विभागाने आग विझवण्यासाठी १० गाड्या पाठवल्या होत्या. 

गायक शानने त्याच्या इंस्टाग्राम स्टोरीवर एक लांबलचक नोट शेअर केली ज्यामध्ये घटनेची माहिती आणि त्याच्या कुटुंबाची सुरक्षितता सांगितली तो म्हणाला, “प्रिय मित्रांनो, आमच्या इमारतीत आग लागल्याची बातमी पसरत आहेत पण मी आणि माझे कुटुंब सुरक्षित आहोत, आग ७ व्या मजल्यावर होती. आम्ही त्याच्या वरच्या मजल्यावर राहतो. त्यामुळे आम्ही १५ व्या मजल्यावर पळून जाण्यात यशस्वी झालो आणि बचाव होण्याची वाट पाहत होतो.आम्हाला सुरक्षित राहण्यास मदत “अग्निशमन विभाग, मुंबई पोलिस आभर त्यांनी जलद आणि वेळेवर कारवाई केल्यामुळे आम्ही सुरक्षित आहोत.

शानच्या वर्क फ्रंटबद्दल बोलायचे झाले तर, बॉलीवूडमधील सर्वात लोकप्रिय गायकांपैकी एक शान वेगवेगळे कॉन्सर्ट करत आहे. त्याने २ दिवसांपूर्वी बंगळुरूमध्ये कॉन्सर्ट आयोजित केला होता. शानने या कॉन्सर्टचे फोटो सोशल मीडियावर शेअर करून चाहत्यांच्या प्रेमाबद्दल कृतज्ञता व्यक्त केली होती.