चित्रपटप्रेमींसाठी १५ मार्च म्हणजे शुक्रवार खूपच खास ठरला आहे. ओटीटीसह थिएटरमध्येही दमदार चित्रपट प्रेक्षकांना पाहायला मिळणार आहे. या शुक्रवारी प्रेक्षकांच्या भेटीला सिद्धार्थ मल्होत्रा (Sidharth Malhotra), दिशा पाटनी (Disha Patani) आणि राशी खन्ना स्टारर (Raashii Khanna) ‘योद्धा’ चित्रपट (Yodha Film) बॉक्स ऑफिसवर रिलीज झालेला आहे. तर त्यासोबतच अदा शर्मा (Adah Sharma) स्टारर ‘बस्तर: द नक्सल स्टोरी’ (Bastar: The Naxal Story) चित्रपटही रिलीज झालेला आहे. यंदाच्या शुक्रवारी तगडे स्टारकास्ट असलेले चित्रपट रिलीज झाले आहेत. चला तर जाणून घेऊया कोणत्या चित्रपटाला प्रेक्षकांकडून उत्तम प्रतिसाद मिळाला आहे. (Bollywood)
‘शेरशाह’नंतर बॉलिवूड सिद्धार्थ मल्होत्रा पुन्हा एकदा देशभक्तीपर चित्रपटातून प्रेक्षकांच्या भेटीला आला आहे. चित्रपटाची घोषणा केल्यापासून चित्रपटाची चाहत्यांची जोरदार चर्चा होत आहे. चित्रपटाच्या स्टारकास्टने देशातल्या वेगवेगळ्या शहरांमध्ये, प्रमोशनमध्ये उपस्थिती लावलेली. चित्रपटाला वाढता प्रतिसाद पाहता चित्रपटाला उत्तम प्रतिसाद मिळेल अशी अपेक्षा होती. मात्र, चित्रपटाने खास कमाई केलेली नाही. सिद्धार्थ मल्होत्राच्या ‘योद्धा’ चित्रपटाला पहिल्याच दिवशी बॉक्स ऑफिसवर इतका खास प्रतिसाद मिळाला नाही. (Bollywood Film)
सॅकल्निक या ट्रेड ॲनालिस्टनुसार, चित्रपटाने बॉक्स ऑफिसवर पहिल्याच दिवशी ४.५० कोटी ते ५ कोटींच्या आसपास कमाई केलेली आहे. अद्याप निर्मात्यांकडून पहिल्या दिवसाच्या कमाईचा अधिकृत आकडा जाहीर करण्यात आलेला नाही. टीझर, ट्रेलर आणि चित्रपटातल्या गाण्यांना प्रेक्षकांकडून उत्तम प्रतिसाद मिळाला होता. चित्रपटही बॉक्स ऑफिसवर उत्तम कमाई करेल, अशी चर्चा होती. या चित्रपटाचे एकूण बजेट जवळपास ५५ कोटी रुपये आहे. बिग बजेट चित्रपटाचा हा पहिल्या दिवसाच्या कमाईचा आकडा खूपच कमी आहे. मिळालेल्या माहितीनुसार, चित्रपटाला वीकेंडचा फायदा होऊ शकतो, असे म्हटले जात आहे. (Bollywood News)
तर सुदिप्तो सेन दिग्दर्शित ‘बस्तर: द नक्सल स्टोरी’ चित्रपटाचीही बॉक्स ऑफिसवर खास जादू चालली नाही. चित्रपटाची घोषणा झाल्यापासून चित्रपटाची जोरदार चर्चा सुरू होती. पण प्रेक्षकांकडून चित्रपटाला उत्तम प्रतिसाद मिळालेला नाही. अदा शर्मा स्टारर चित्रपटाने पहिल्या दिवशी जेमतेम ५० लाखांचीच कमाई केली आहे. दिग्दर्शक सुदीप्तो सेन आणि अभिनेत्री अदा शर्माचा गेल्या वर्षी ‘द केरळा स्टोरी’ चित्रपट रिलीज झालेला. त्या चित्रपटाचा प्रतिसाद पाहता या चित्रपटाकडूनही प्रेक्षकांच्या खूपच अपेक्षा होत्या. पण तसं काही झालं नाही.
'योद्धा' चित्रपटामध्ये सिद्धार्थ मल्होत्रासह राशी खन्ना, दिशा पाटनी, रोनित रॉय आणि तनुज विरवानी यांच्या प्रमुख भूमिका आहेत. चित्रपटाचे दिग्दर्शन पुष्कर ओझा करीत आहे. चित्रपटही बॉक्स ऑफिसवर उत्तम कमाई करेल, अशी चर्चा होती. या चित्रपटाचे एकूण बजेट जवळपास ५५ कोटी रुपये आहे. बिग बजेट चित्रपटाचा हा पहिल्या दिवसाच्या कमाईचा आकडा खूपच कमी आहे. मिळालेल्या माहितीनुसार, चित्रपटाला वीकेंडचा फायदा होऊ शकतो, असे म्हटले जात आहे. (Entertainment News)
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.