सांगली : यंदाच्या ‘बिग बॉस मराठी ३' या पर्वाचा विजेता मुळचा सांगली जिल्ह्यातील देवीखिंडी या गावचा असलेला विशाल निकम ठरला आहे. त्याच्या या विजयाने गावात जल्लोष केला जात आहे. (sangli-news-Jallosh-at-the-home-of-Bigg-Boss-winner-Vishal-nikam-Welcome-to-the-village)

विशालने (Vishal Nikam) सात जन्‍माच्या गाठी या मालिकेतून मनोरंजन विश्वात पाऊल ठेवले आहे. तसेच विशालने 'दक्खनचा राजा जोतिबा', 'जय भवानी जय शिवाजी' या सारख्या मालिकांमध्ये काम केले आहे. यानंतर त्‍याने बिग बॉस ३मध्‍ये (Bigg Boss) सहभाग घेतला. विशालने यंदाच्या सिझनमध्ये अनेक टास्कमध्ये उत्तम कामगिरी केली. सोशल मिडीयावर (Social Media) देखील सुरुवातीपासुन विशालचा मोठा चाहतावर्ग तयार झाला. विशालला विजेतेपद मिळाल्यावर त्याच्या चाहत्यांनी सोशल मिडीयावर देखील आनंद व्यक्त केला.

घरासमोर फटाक्‍यांची आतषबाजी

बिग बॉस ३ चा ग्रॅंड फिनाले नुकताच झाला. यात यदाच्‍या विजेत्‍या स्‍पर्धकाची घोषणा करण्यात आली. यात विशाल निकमच्‍या नावाची घोषणा झाल्‍यानंतर त्याच्या घरासमोर रात्री फटाक्यांची आतषबाजी करण्यात आली. विजेता झाल्‍यानंतर विशालचे मुळ गावी आगमन झाले. यानंतर त्याला भेटण्यासाठी लोकांची गर्दी होत आहे..

आई– वडीलांची प्रतिक्रीया

विशालने सर्वांची मन जिंकली आहेत. त्याचा रोज एपिसोड आम्ही पाहत होतो. आम्हाला त्‍याचा अभिमान आहे. त्याने सर्वांची मने जिंकत बिग बॉस विनर ठरला. त्याचे बिग बॉसमधील घरातील वर्तवणूक चांगले होते. आपले घर असल्यासारखे आणि सर्वाना सोबत घेऊन टास्क केले. अशी प्रतिक्रीया आई विजया व वडील बाळासो निकम यांनी व्‍यक्‍त केली आहे.