Lata Mangeshkar 1st Death Anniversary: स्वरसाम्राज्ञी लता मंगेशकर यांचे निधन होऊन आज एक वर्ष पूर्ण झाले आहे. आजही त्यांची गाणी आणि आठवणी सर्वांच्या मनात जिवंत आहेत. लता मंगेशकरच्या चाहत्यांनी त्यांना त्यांच्या पहिल्या स्मृतिदिनी श्रद्धांजली अनोखी श्रद्धांजली वाहिली आहे.

प्रसिद्ध सँड आर्टिस्ट सुदर्शन पटनायक यांनी लतादीदींना श्रद्धांजली दिली आहे. ओडिसा येथील पुरी येथील समुद्रकिनाऱ्यावर सुदर्शन यांनी लता मंगेशकर यांची वाळूपासून मूर्ती साकारली आहे.

लता मंगेशकर यांची ही मूर्ती ६ फूट उंच आहे. तसेच मूर्तीवर लिहिले आहे, 'मेरी आवाज ही मेरी पेहचान है', 'ट्रिब्यूट टू भारतरत्न लता जी'. लता मंगेशकर यांची ही कलाकृती साकारताना सुदर्शन यांनी खूप रंगाचा वापर केला आहे. तसेच त्यांनी ग्रामोफोनचा वापर करत कल्पकतेचा वापर करत ही कलाकृती साकारली आहे.

२००१ साली लता मंगेशकर यांना भारतातील सर्वोच्च नागरी सन्मान 'भारतरत्न' देऊन सन्मानित करण्यात आले. यापूर्वी त्यांना पद्म भूषण, पद्म विभूषण आणि दादासाहेब फाळके पुरस्काराने देखील गौरविण्यात आले आहे. लता मंगेशकर यांना अनेक राष्ट्रीय पुरस्कार मिळाले आहेत.

लता मंगेशकर यांना कोरोना आणि निमोनिया झाला होता. त्यानंतर त्यांना ब्रीच कँडी रुगणालयात दाखल करण्यात आले होते. २९ दिवस लता मंगेशकर यांच्या उपचार सुरू होते. परंतु त्या ही लढाई जिंकू शकल्या नाहीत आणि गेल्या वाटही याच दिवशी म्हणजे ६ डिसेंबर, २०२२ रोजी निधन झाले.