स्नेहील झणके, साम टीव्ही

मुंबई : सिनेसृष्टीत सलमान खान आणि वाद हे समीकरणच झालंय. आता सलमान खाननं शरीयतचं उल्लघंन केल्याचं म्हणत त्यानं माफी मागावी म्हणून मौलाना आक्रमक झालेत. नेमकं सलमान खाननं असं काय केलं पाहुया.

सलमान खाननं प्रभु श्री रामाची प्रतिमा असलेलं घड्याळ घातलं

घड्याळात प्रभु श्री राम आणि हनुमानाची प्रतिमा

सलमाननं घातलेल्या घड्याळाचा रंग भगवा

जेकब अँड कंपनीचं रामजन्मभूमी टायटॅनियम एडिशन 2

स्पेशल श्रीराम एडिशनची किंमत 34 लाख रुपये

इतकं मौल्यवान विशेष एडिशनचं महागडं घड्याळ घालून सलमान खाननं फोटो सेशन केलं आणि इथेच माशी शिंकली. ईदच्या दिवशी सिंकदर येत असतांनाच सलमानचंही हे फोटो शूटमुळे पुन्हा वाद झाला कारण या रामाच्या घड्याळामुळे मौलाना शहाबुद्दीन रिझवींनी सलमानला शरीयाचा गुन्हेगार म्हणत पश्चाताप करण्याची मागणी केलीये.

सलमान खान गेल्या ३५ वर्षांपासून चित्रपटसृष्टीत आपली कारकिर्द गाजवतोय. मात्र बॉलीवुडच्या या भाईजानच्या चित्रपटांची जितकी चर्चा होते त्यापेक्षा अधिक चर्चा त्याच्यासोबत घडलेल्या वादाची जास्त होते. सलमान खाननं घरी गणपती बसवल्यामुळे देखिल अशाच मौलानांना याआधी देखिल पोटशूळ उठला होता. आई हिंदू आणि वडिल मुस्लिम अशा घरात वाढलेला सलमान हा धार्मिक सलोखा ऐक्य जपत आल्याचं दिसलंय आणि बहुदा त्याचमुळे सलमान खान हा कायम कट्टरपंथियाच्या निशाण्यावर असल्याचं दिसलंय.