Salman Khan Wanted To Become Dad: बॉलिवूडचा दबंग सलमान खान सध्या त्याच्या चित्रपटामुळे चर्चेत आहे. सलमान खानचा 'किसी का भाई किसी की जान' हा चित्रपट बॉक्स ऑफिसवर अपेक्षित कामगिरी करू शकलेला नाही. दरम्यान सलमान खानची एक मुलखात सगळीकडे व्हायरल होत आहे. या मुलाखतीमध्ये सलमानने त्याच्या वैयक्तिक आयुष्याविषयी अनेक खुलासे केले आहेत.

या मुलाखतीत सलमान म्हणाला की, तो खूप दिवसांपासून वडील बनण्याचा विचार करत आहे आणि त्याला मुलांवर खूप प्रेम आहे. याशिवाय सलमानने त्याच्या लग्नाबद्दलही सांगितले.

इंडिया टीव्हीला दिलेल्या मुलाखतीत सलमान म्हणाला की, त्याने एकदा मूल दत्तक घेण्याचा विचार केला, पण भारतीय कायद्यानुसार त्याला परवानगी मिळत ​​नाही.

सलमान खानचे मुलांवर किती प्रेम आहे हे सर्वांनाच माहीत आहे. सोशल मीडियावर व्हायरल झालेल्या त्याच्या फोटोंमध्ये काही फोटो असे आहेत ज्यामध्ये सलमान त्याच्या पुतण्यांसोबत वेळ घडवताना दिसत आहे. सलमानची बहीण अर्पिता शर्मा हिला आयत शर्मा आणि अहिल अशी दोन मुले आहेत. सलमानची दुसरी बहीण अलविरा खान हिलाही अलीझेह आणि अयान नावाची दोन मुले आहेत. त्याचबरोबर सलमानचे भाऊ सोहेल आणि अरबाज यांनाही मुले आहेत. (Latest Entertainment News)

इंडिया टीव्हीला दिलेल्या मुलाखतीत सलमान खान मुलांच्या प्लॅनिंगबद्दल सांगताना म्हणाला- 'आता काय सांगू, तो प्लान होता, सुनेचा प्लॅन नव्हता, मुलाचा होता, पण. भारताच्या कायद्यानुसार असे होऊ शकत नाही, त्यामुळे आता काय करायचे ते पाहू.'

करण जोहर दोन मुलांचा पिता आहे त्याबाबत सलमान खान म्हणाला, 'मीही तसाच प्रयत्न करत होतो पण तो कायदा कदाचित बदलला आहे, त्यामुळे आता बघू. मला मुलांची खूप आवड आहे. मला मुलं आवडतात. पण मुलं आली की आई पण येते. आई त्यांच्यासाठी खूप चांगली आहे. आमच्या घरी भरपूर आया आहेत साहेब! आमच्याकडे संपूर्ण जिल्हा, संपूर्ण गाव आहे, ते त्या मुलांची चांगली काळजी घेतील, परंतु त्याची आई, त्याची खरी आई असेल, ती माझी पत्नी असेल.'