सध्या बॉक्स ऑफिसवर तीन चित्रपट धुमाकूळ घालत आहे. यात 'सैयारा', 'सन ऑफ सरदार 2' आणि 'धडक 2' यांचा समावेश आहे. 'सन ऑफ सरदार 2' आणि 'धडक 2' दोन्ही चित्रपट 1 ऑगस्टला प्रेक्षकांच्या भेटीला आले आहेत. तर 'सैयारा' (Saiyaara) 18 जुलैला रिलीज झाला आहे. वीकेंडला कोणता चित्रपटाचा शो हाऊसफुल पाहायला मिळाला जाणून घेऊयात. तिन्ही चित्रपटांचे बॉक्स ऑफिस कलेक्शन वाचा.

'सन ऑफ सरदार 2' बॉक्स ऑफिस कलेक्शन दिवस 3

• पहिला दिवस - 7.25 कोटी

• दुसरा दिवस - 8.25 कोटी

• तिसरा दिवस- 9.25 कोटी

• एकूण - 24.75 कोटी

'धडक 2' बॉक्स ऑफिस कलेक्शन दिवस 3

• पहिला दिवस - 3.35 कोटी

• दुसरा दिवस - 3.75 कोटी

• तिसरा दिवस- 4.25 कोटी

• एकूण -11.50 कोटी

'सैयारा' बॉक्स ऑफिस कलेक्शन

'सैयारा'च्या कलेक्शनमध्ये घट झालेली पाहायला मिळत आहे. मीडिया रिपोर्टनुसार, 'सैयारा'ने वीकेंडला (रविवारी) 8 कोटींची कमाई केली आहे. 17 दिवसांत 'सैयारा' चित्रपटानं 299.75 कोटी रुपयांचा व्यवसाय केला आहे.

'सैयारा' चित्रपट

'सैयारा' या प्रेम कथेने जगाला वेड लावले आहे. अहान पांडे (Ahaan Panday) आणि अनीत पड्डा (Aneet Padda) चित्रपटात मुख्य भूमिकेत आहेत. 'सैयारा'चे दिग्दर्शन मोहित सूरी यांनी केले आहे. मीडिया रिपोर्टनुसार, 'सैयारा' चित्रपटाचे बजेट 40 ते 60 कोटींच्या दरम्यान आहे.

'सन ऑफ सरदार 2' चित्रपट

'सन ऑफ सरदार 2'मध्ये अजय देवगण (Ajay Devgn), मृणाल ठाकूर (Mrunal Thakur) यांच्या कॉमेडीने चित्रपटाला चारचाँद लावले आहेत. 'सन ऑफ सरदार 2'हा 2012 साली रिलीज झालेल्या 'सन ऑफ सरदार'चा सीक्वल आहे. चित्रपटात भरपूर ॲक्शन, कॉमेडी आणि ड्रामा पाहायला मिळत आहे.

'धडक 2' चित्रपट

'धडक 2' हा रोमँटिक ड्रामा आहे. सिद्धांत चतुर्वेदीचा (Siddhant Chaturvedi) आणि तृप्ती डिमरीच्या (Tripti Dimri) केमिस्ट्रीची सर्वत्र चर्चा पाहायला मिळत आहे. 'धडक 2' चित्रपटाचे दिग्दर्शन शाजिया इकबाल हिने केले आहे. 'धडक 2' हा चित्रपट 2018 साली रिलीज झालेल्या 'धडक'चा सीक्वल आहे.