Sahil Khan Wedding: 'स्टाईल' आणि 'एक्सक्यूज मी' सारख्या हिट बॉलिवूड चित्रपटांमुळे प्रसिद्ध झालेल्या अभिनेता साहिल खानने त्याची प्रेयसी मिलेना अलेक्झांड्राशी लग्न केले आहे. हे लग्न दुबईच्या प्रसिद्ध इमारती बुर्ज खलिफा येथे झाले, जिथे दोघांनी एकमेकांचे हात धरून नवीन आयुष्याची सुरूवात केली.

साहिल खानने सोशल मिडीयावर लग्नाचे फोटो शेअर केले आहेत. पोस्टला कॅप्शन देत साहिल खानने लिहिले, "शेवटी लग्न झाले... शुभेच्छा दिल्याबद्दल धन्यवाद. सर्वांना व्हॅलेंटाईन डेच्या शुभेच्छा. तुम्हा सर्वांना प्रेम, आनंद आणि यश मिळावे अशी प्रार्थना."

रॉयल लूक

लग्नाच्या या खास प्रसंगी साहिल खान आणि त्याची नवी वधू मिलेना यांनी रॉयल लूक केला होता. पोस्ट केलेल्या या फोटोंमध्ये दिसून येते की मिलेना पांढऱ्या रंगाचा गाऊन घालून खूपच सुंदर दिसत आहे. तिच्या गाऊनवरील उत्तम भरतकाम तिला एक रॉयल लूक देत आहे. त्याच वेळी, साहिल खान काळ्या सूटमध्ये डॅशिंग लूकमध्ये दिसला.

साहिलची बायको २६ वर्षांनी लहान आहे.

साहिल खान आणि मिलेना यांच्या वयात २६ वर्षांचा फरक आहे. साहिल ४८ वर्षांचा आहे, तर मिलिना फक्त २२ वर्षांची आहे. साहिल खानने 'स्टाईल' आणि 'एक्सक्यूज मी' सारख्या हिट चित्रपटांनी आपल्या फिल्मी करिअरची सुरुवात केली. ती बेलारूस (युरोप) ची रहिवाशी आहे. साहिलने खुलासा केला की मिलेना एक विद्यार्थी होती आणि तिने तिचे शिक्षण त्यांच्या रिलेशनशिप दरम्यान पूर्ण केले होते.

दरम्यान, साहिल आता अभिनयापासून दूर राहून तो फिटनेस इंडस्ट्रीमधील एक मोठा उद्योगपती बनला आहे. या जोडप्याच्या लग्नाचे फोटो आणि व्हिडिओ सोशल मीडियावर चर्चेत आहेत. त्याचबरोबर त्याचे चाहते त्याचे अभिनंदन करत आहेत.