रितेश देशमुखचा 'राजा शिवाजी' चित्रपट १ मे ला प्रेक्षकांच्या भेटीला आला आहे. या चित्रपटाने दोन आठवड्यात बंपर कमाई केली आहे. 'राजा शिवाजी' चित्रपटातून रितेश देशमुखने छत्रपती शिवाजी महाराजांची शौर्यगाथा दाखवण्यात आली आहे. या ऐतिहासिक चित्रपटाची बॉक्स ऑफिसवर बक्कळ कमाई सुरू आहे. 'राजा शिवाजी' हा चित्रपट मराठी आणि हिंदी अशा दोन्ही भाषांमध्ये प्रदर्शित झाला.

'राजा शिवाजी' बॉक्स ऑफिस कलेक्शन दिवस ९

'राजा शिवाजी' चित्रपटगृहांमधील पहिल्या आठवड्याची कमाई जवळपास ५२.६५ कोटी रुपये झाली. Sacnilk च्या रिपोर्टनुसार, ९ व्या दिवशी चित्रपटाने ३९६२ शोजमधून ५.६० कोटी रुपयांची कमाई केली. यापैकी, हिंदी आवृत्तीने १.३५ कोटी रुपये आणि मराठी आवृत्तीने ४.२५ कोटी रुपयांची कमाई केली. आतापर्यंत चित्रपटाचे भारतातील एकूण 'ग्रॉस कलेक्शन' ७२.९१ कोटी रुपयांवर पोहोचले आहे, तर भारतातील एकूण नेट कलेक्शन आता ६१.४५ कोटी रुपये झाले आहे.

'राजा शिवाजी' दिवसानुसार कलेक्शन

• दिवस १ (हिंदी): ३.३५ कोटी रुपये; (मराठी): ८ कोटी रुपये

• दिवस २ (हिंदी): ३.४० कोटी रुपये; (मराठी): ७.१५ कोटी रुपये

• दिवस ३ (हिंदी): ४.२५ कोटी रुपये; (मराठी): ७.७५ कोटी रुपये

• दिवस ४ (हिंदी): १.३५ कोटी रुपये; (मराठी): ४.२५ कोटी रुपये

• दिवस ५ (हिंदी): १.५५ कोटी रुपये; (मराठी): ३.३५ कोटी रुपये

• दिवस ६ (हिंदी): १.२५ कोटी रुपये; (मराठी): ३ कोटी रुपये

• दिवस ७ (हिंदी): १.२५ कोटी रुपये; (मराठी): २.७५ कोटी रुपये

• दिवस ८ (हिंदी): ०.७० कोटी रुपये; (मराठी): २.५० कोटी रुपये

• दिवस ९ (हिंदी): १.३२ कोटी रुपये; (मराठी): ४.२५ कोटी रुपये

• एकूण: ६१.४५ कोटी रुपये

'राजा शिवाजी' स्टार कास्ट

'राजा शिवाजी' चित्रपटात रितेश देशमुख, जिनिलिया, संजय दत्त, अभिषेक बच्चन, महेश मांजरेकर, सचिन खेडेकर, भाग्यश्री, फरदीन खान, जितेंद्र जोशी, अमोल गुप्ते, विद्या बालन हे दिग्गज कलाकार मुख्य भूमिकेत दिसणार आहेत. चित्रपटात जिनिलीया देशमुख सईबाईंच्या भूमिकेत झळकली आहे. महेश मांजरेकरांनी लखुजी जाधव यांची भूमिका साकारली आहे. तर राजमाता जिजाऊंच्या भूमिकेत अभिनेत्री भाग्यश्री झळकली. अभिषेक बच्चन संभाजीराजे शहाजीराजे भोसले यांच्या भूमिका गाजवली. अफजल खानच्या भूमिकेत 'धुरंधर' स्टार संजय दत्त झळकला.