Ved Movie Update: 'वेड' चित्रपटाने प्रेक्षकांना अक्षरशः वेड लावले आहे. दिवसेंदिवस या चित्रपटाची क्रेझ वाढत आहे. क्रेझसोबत चित्रपटाचे बॉक्स ऑफिसवरील कॉलेक्शनमध्ये सुद्धा वाढ होत आहे. या सगळ्यात चित्रपटाचा मुख्य अभिनेता आणि दिग्दर्शक रितेश देशमुख याने मोठी घोषणा केली आहे.

रितेश देशमुखने त्याचा इन्स्टाग्रामवर एक व्हिडिओ शेअर केला आहे. या व्हिडिओमध्ये रितेश आणि शुभंकर तावडे दिसत आहेत. या दोघांनी चित्रपटातील एका सीनचा रिमेक या व्हिडिओमध्ये केला आहे.परंतु सीनचा रिमेक करताना त्यांनी संवाद थोडे बदलले आहेत. या संवादाच्या माध्यमातून त्यांनी चित्रपटाशी निगडीत एका गोष्टीचा खुलासा केला आहे.

'वेड' चित्रपटाप्रमाणे चित्रपटातील गाणी सुद्धा हिट ठरली आहेत. प्रेक्षकांमध्ये चित्रपटातील गाण्यांविषयी एक वेगळीच क्रेझ पाहायला मिळत आहे. हेच लक्षात घेऊन रितेश 'वेड' चित्रपट प्रदर्शित झाल्यानंतर त्यातील आणखी एक गाणे प्रदर्शित करण्याचा निर्णय रितेशने घेतला आहे. त्याच संदर्भात रितेश आणि शुभंकर या व्हिडिओमध्ये बोलत आहेत.

'वेड' चित्रपटामध्ये रितेश आणि जेनेलिया यांचे एकही रोमॅंटिक गाणे नाही. रितेश आणि जेनेलिया याचे रोमँटिक गाणे असावे अशी प्रेक्षकांनी व्यक्त केली आहे. म्हणूनच सत्या आणि श्रावणी यांच्यावर एक रोमँटिक गाणं लवकरच प्रेक्षकांच्या भेटीला येणार आहे. याची माहिती खुद्द रितेशने दिली आहे. रितेशच्या या पोस्टवर चाहते कमेंट करत आहेत. तसेच या नवीन गाण्यासाठी उत्सुक असल्याचे कमेंट करून सांगत आहेत.

'वेड' चित्रपट बॉक्स ऑफिसवर चांगली कामगिरी करत आहेत. १७ व्या दिवशी या चित्रपटाने ३.४० करोडची कमाई केली आहे. वेड चित्रपटाची एकूण कमाई ४८. ४२ करोडची कमाई केली आहे. सैराट चित्रपटानंतर 'वेड' हा दुसरा मराठी चित्रपट आहे ज्याला बॉक्स ऑफिस इतका गल्ला जमवण्यात यश मिळाले आहे.