रितेश देशमुख (Riteish Deshmukh) आणि जिनिलीया (Genelia ) हे बॉलिवूडमध्ये पावर कपल आहे. महाराष्ट्राचे लाडके दादा वहिनी म्हणून त्यांना ओळखले जाते. दोघही एकमेकांसाठी प्रेम व्यक्त करताना दिसतात. हे कपल सोशल मीडियावर देखील खूप सक्रिय असते. आपले फोटो आणि भन्नाट व्हिडिओ ते कायम शेअर करत राहते.

नुकताच रितेश देशमुख आणि जिनिलीया आपल्या सोशल मीडियावर खास व्हिडिओ शेअर केला आहे. हा व्हिडिओ चाहत्यांना खूपच आवडला आहे. कमी वेळात या व्हिडिओवर लाखो लाईक्स आले आहेत. जिनिलीया आणि रितेश आपल्या मित्रांसोबत एक जबरदस्त डान्स व्हिडिओ सोशल मिडिया टाकला आहे. या व्हिडिओत सर्वजण भन्नाट डान्स करताना पाहायला मिळत आहे. यांनी 'चिकनी चमेली' या गाण्यावर तुफान डान्स केला आहे. त्यांचे वेडेपण आणि धमाल मज्जा मस्ती व्हिडिओतून स्पष्ट दिसत आहे.

रितेश-जिनिलीयाच्या या जबरदस्त व्हिडीओवर चाहत्यांनी कमेंट्सचा पाऊस पाडला आहे. लाखाच्या घरात व्ह्यूज मिळाले आहे. 'वहिनी लय भारी', 'रितेश भाऊ कमाल' अशा असंख्य कमेंट्स नेटकी त्यांच्या डान्स व्हिडीओला देत आहेत.

रितेश देशमुख आणि जिनिलीया सोबत या व्हिडिओमध्ये आशिष चौधरी, शब्बीर अहलूवालिया, मुश्ताक शेख,जेनिफर विंगेट, कांची कौल आणि समिता बांगर्गी हे देखील 'चिकनी चमेली'वर थरकताना दिसत आहेत. 'अग्निपथ' चित्रपटातील कतरिना कैफचं 'चिकनी चमेली' हे गाण आहे. हा चित्रपट 2012 रोजी प्रेक्षकांच्या भेटीला आला होता. या गाण्यावर कतरिनाने जबरदस्त ठुमके लगावले होते.

चाहते रितेश-जिनिलीयाच्या आगामी चित्रपटांची आतुरतेने वाट पाहत आहेत. जिनिलीया 'सितारे जमीन पर' या चित्रपटातून प्रेक्षकांच्या भेटीला येणार आहे. या चित्रपटात ती अमीर खानसोबत दिसणार आहे. तर रितेश भाऊ 'हाऊसफुल्ल ५' दिसणार आहे. या चित्रपटात देखील तगडे सेलिब्रिटी पाहायला मिळणार आहे.