Gangappa Pujari
मराठी तसेच हिंदी सिने जगतातील क्युट कपल म्हणजे रितेश देशमुख अन् जेनेलिया देशमुख.
रितेश- जिनिलीयाच्या लवस्टोरीची, त्यांच्या हटके केमिस्ट्रीची सिने जगतात नेहमी चर्चा रंगलेली असते.
सोशल मीडियावर त्यांच्या पोस्ट, भन्नाट रिल्स नेटकऱ्यांना वेड लावत असतात.
आज फादर्स डे निमित्त अनेक सेलिब्रेटी आपल्या शुभेच्छा, भावना व्यक्त करत आहेत.
अशातच जिनिलीया देशमुखच्या हटके पोस्टने सर्वांचे लक्ष वेधले आहे.
रियान, राहिलचे बाबा रितेश देशमुख… तुम्ही आपल्या मुलांना लाभलेलं खूप मोठं आणि सुंदर गिफ्ट आहात. त्यांच्या मदतीसाठी कायम तत्पर राहिल्याबद्दल खूप खूप थँक्यू' असा सुंदर कॅप्शन देत जिनिलीयाने रितेश देशमुखसाठी खास पोस्ट केली आहे.
जेव्हा या फोटोंकडे पाहते तेव्हा असे वाटतं की, हे फोटो किती परिपूर्ण आहेत. या फोटोंमध्ये माझ्याशिवाय इतर कोणालाही जागा नाही. तुम्ही तिघे एकमेकांसाठी इतके जास्त परिपूर्ण आहात, असे तिने या पोस्टमध्ये म्हटले आहे.