Rhea Chakraborty: भारत-पाकिस्तान दरम्यान सुरू असलेल्या तणावाच्या पार्श्वभूमीवर अभिनेत्री रिया चक्रवर्तीने भारतीय सैन्याच्या शौर्याला सलाम करत एक भावनिक पोस्ट शेअर केली आहे. 'ऑपरेशन सिंदूर' अंतर्गत भारतीय हवाई दलाने पाकिस्तानातील दहशतवाद्यांच्या ९ ठिकाणांवर कारवाई केल्यानंतर, रियाने तिच्या इंस्टाग्रामवरून एक पोस्ट लिहिली आहे ज्यात तिने स्वतःला 'फौजीची मुलगी' म्हणून संबोधले आहे.

या पोस्टमध्ये रियाने लिहिले आहे, "एक सैनिकाची मुलगी म्हणून, मी माझ्या वडिलांना दुसऱ्या त्वचेसारखी युनिफॉर्म परिधान करताना पाहिले आहे आणि माझ्या आईला सैनिकासारखे अश्रू रोखताना पाहिले आहे. एक आर्मी ऑफिसरची मुलगी म्हणून, मला माहिती आहे की आज मी सुरक्षित झोपते कारण कुणाचे तरी वडील, आई, भाऊ आणि बहीण सीमारेषेवर तैनात आहेत."

तिने पुढे लिहिले आहे, "सर्व आर्मी, नेव्ही आणि एअरफोर्सच्या कुटुंबीय त्यांची वाट पाहत आहेत, प्रार्थना करत आहेत की त्यांच्या घरातील सैनिक लवकरच घरी येतील. एका फौजीच्या घरातून दुसऱ्या घरापर्यंत, प्रेम, ताकद आणि सलाम. जय हिंद."

रिया चक्रवर्तीची ही पोस्ट सोशल मीडियावर मोठ्या प्रमाणात व्हायरल होत आहे. तिच्या या पोस्टमुळे भारतीय सैन्याच्या कुटुंबीयांच्या भावना आणि त्यांचा त्याग समोर आला आहे.